Вильфанд: Киләсе атнада Россиянең үзәк өлешендә май аендагы кебек һава торышы булачак
Россиянең үзәк өлешендә киләсе атна уртасында +18 градуска кадәр җылытачак. Бу хакта РИА Новости агентлыгы Россия Гидрометеоүзәгенең фәнни җитәкчесе Роман Вильфандка сылтама белән хәбәр итә.
«Россиянең үзәк өлеше хакында әйткәндә, ял көннәрендә дә, киләсе атнада да һава торышы бары тик антициклональ циркуляция белән билгеләнәчәк. Бу һава торышы бик яхшы булачак дигән сүз. Әгәр ял көннәрендә температура фоны күбрәк апрельнең өченче декадасына туры килсә, киләсе атна уртасында инде бу чын мәгънәсендә май аендагы кебек һава торышы булачак», - диде Вильфанд.
Аның сүзләренчә, шимбә көнне һава температурасы +11..+13, якшәмбе һәм дүшәмбедә +13..+15 градуска кадәр күтәреләчәк. Сишәмбедән җомгага кадәр температура +13..+18 градус тәшкил итәр дип көтелә.