Төнлә Казанның Җиңү проспектында җиңел автомобиль пошины бәрдергән
Юл-транспорт һәлакәте узган төндә Казанның Җиңү проспектында булган. Ford автомобиленең 30 яшьлек йөртүчесе Имәнлек урамына таба хәрәкәт иткәндә юлга поши йөгереп чыккан.
Нәтиҗәдә, кыргый хайван машина астына килеп кергән. Пошины (ул әле исән булган) авария урыныннан алып киткәннәр. Машина йөртүчегә зыян килгәнме-юкмы икәнлеге әлегә билгеле түгел. Бу хакта «Татар-информ» агентлыгына Казан шәһәре Дәүләт автоинспекциясеннән хәбәр иттеләр.