Казанда алдан килешеп үткәрелгән митинг тыныч узды
(Казан, 14 февраль, «Татар-информ», Артур Казанцев). Казанда Меңьеллык мәйданында алдан килешеп үткәрелгән каршылык акциясе тәмамланды. «Татар-информ» чыганагы мәгълүматлары буенча, митинг тоткарлыксыз тәмамланган.
Шәһәр үзәгендәге акциядә 300гә якын кеше булган. 100 кеше махсус бирелгән урында эчтә, ә калган 200 кеше койма артында күзәткән.
Акциядә катнашучылар үзләрен тыныч тотты, килүчеләр үз позицияләрен белдерде һәм шулай ук тыныч таралды.
Митингта фем-активистлар бар иде. Алар мәйданга сәяси тоткыннарны азат итәргә чакырып һәм 5 мартта фем-акция оештыру теләге белгән килгән һәм плакатлар да алып килгәннәр.
Әмма «Яблоко» партиясе вәкилләре кызлардан баннерларны төреп алып куюны сорады, чөнки алар бу хакта килешмәгән.
Аннары активистлар җылыну өчен митингта әйлән-бәйлән оештырды. Соңрак, митинг үткәрелү сәбәпле, Казан циркы «Шоу слонов — магия цирка» тамашасын кичектерүе билгеле булды.
Искәртеп үтәбез, Казанның Үзәк стадионы янында акция үткәрелү сәбәпле, транспорт хәрәкәте һәм парковка чикләнгән иде.