Табиб чәчтарашханәләрдә коронавирус йоктырмау ысуллары турында сөйләде
(Казан, 28 май, «Татар-информ»). Чәчтарашханәләрдә булганда маска куллансагыз, Covid-19 коронавирусы йоктырмаска мөмкин. Бу хакта югары категорияле табиб Лариса Алексеева сөйләде, дип хәбәр итә «Звезда»телеканалы. «Чәчтарашханәдә чәч кисү, прическа ясау кебек процедураларны гына башкара аласыз, башка процедуралардан тыелып тору кирәк», — дип билгеләде медик. Шул ук вакытта, табиб сүзләренә караганда, коронавирустан саклану өчен, керфекләр үстерү, биткә маскалар һәм пилинг ясау кебек процедуралардан баш тартырга туры киләчәк. «Контакт бик якын, һәм, әгәр дә чәчтараш авырса, авыруны сез дә йоктыра аласыз», — дип шәрехләп үтте Алексеева.