Әтнәдә Мәрҗани исемендәге республика фәнни-гамәли конференциясенә әзерләнәләр
(Әтнә, 19 февраль, «Татар-информ», «Әтнә таңы»). 21 февральдә Әтнә районы Комрыгуҗа мәктәбендә Шиһабетдин Мәрҗани исемендәге республика фәнни-гамәли конференциясе була. Бу турыда район басмасы хәбәр итә.
Ике елга бер мәртәбә оештырыла торган конференция быел сигезенче тапкыр үткәрелә. Аның эшендә республика районнарыннан укучы-укытучылар, республикадан галимнәр, фән эшлеклеләре килер дип көтелә.
2018 елның 16 февралендәге конференция Шиһабетдин Мәрҗани исемендәге Комыргуҗа урта мәктәбендә һәм Габдулла Тукай исемендәге Әтнә дәүләт драма театрында, бөек мәгърифәтченең 200 еллык юбилеена багышлап үткәрелгән иде.
Аның эшендә Татарстанның 15 районыннан һәм Казан шәһәреннән җитмештән артык укучы һәм укытучы үзләренең фәнни эшләре белән алты секциядә чыгыш ясады.