Каникул вакытында Түбән Каманың «Ихлас» үзәгендә 65 бала ял итте
(Казан, 10 гыйнвар, «Татар-информ»). Түбән Каманың Җәмигъ мәчете каршындагы «Ихлас» үзәге каникул вакытында балалар өчен ял программасы оештырды. Каникул вакытында үзәктә барлыгы 65 бала ял итте. Бу турыда Түбән Кама муниципаль районы рәсми сайтында хәбәр ителә.
«Ял программасы виртуаль чынбарлык, робототехника һәм күперләр төзү буенча мастер-классларны үз эченә алды, — ди оештыручылар. — Урамда да, спорт залында да актив уеннар күп булды. Пазллар җыю, диңгез сугышы кебек уеннар да балаларга бик ошады».