Новости за 21.04.2026

Кичке алтыдан соң ашау тазарырга мөмкин дигән ышану миф булып тора. Диетолог-нутрициолог Роман Пристанский «Радио-1» белән әңгәмәдә шундый фикере белән уртаклашкан. Аның сүзләренчә, организм төнлә күзәнәкләрне торгызу, гормоннар синтезы һәм тукымаларны «ремонтлау» белән шөгыльләнә, ә бу процесслар өчен энергия кирәк.

Удмуртиянең «Иман» татар яшьләре берлеге активистлары «Чәк-чәк квиз» уздырган. Бу хакта Бөтендөнья татар конгрессы матбугат хезмәте хәбәр итә.

Апрельнең беренче яртысы Татарстанда аномаль җылы булды. Әмма якындагы биш көндә төбәктә температура нормадан 2-4 градуска түбәнрәк була, ә айның соңгы ункөнлеге 1-2 градуска салкынрак булачак. Бу хакта «Татар-информ»га ТР Гидрометеорология үзәге башлыгы Феликс Гоголь хәбәр итте.

Казанда Россия һәм Көньяк-Көнчыгыш Азия дәүләтләре ассоциациясе (АСЕАН) илләренең өлкән вазыйфаи затлары киңәшмәсе тышкы эшләр министрлары урынбасарлары дәрәҗәсендә узды. Россия делегациясен РФ тышкы эшләр министры урынбасары Андрей Руденко җитәкләде. Бу хакта ТР Хөкүмәте матбугат хезмәте хәбәр итә.

Татарстанның мәгариф системасында республика халыкларының телләре һәм мәдәниятләренә сакчыл караш гамәлдә. Тел һәм мәдәниятләрне саклау һәм үстерүгә зур игътибар бирелә. «Җитәкчелек тарафыннан даими игътибар һәр белем бирү оешмасына милли мохит үсешенең траекториясен төзергә мөмкинлек бирә», – диде Татарстанның мәгариф һәм фән министры урынбасары Минзәлия Закирова Казанның «Адымнар» күп телле белем бирү мәктәбендә «Бердәмлек күптөрлелектә: күп телле этномәдәни белемнең заманча практикалары» халыкара... Читать дальше...

Республикада язгы авыл хуҗалыгы ярминкәләре дәвам итә. Бу атнада 26 апрельдә язгы ярминкәнең соңгы көне була. Анда, гадәттәгечә, республика фермерлары, кооперативлар һәм авыл хуҗалыгы предприятиеләре алып килгән натураль һәм сыйфатлы продуктларны отышлы бәяләрдән сатып алырга мөмкин булачак. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.

Россия Президентының 21 апрельдәге указы нигезендә, бишенче Россия – АСЕАН саммиты Казанда узачак. Чараны әзерләү һәм уздыру өчен оештыру комитеты төзелә. Аның рәисе итеп Россия Президенты ярдәмчесе Юрий Ушаков билгеләнде, ә комитет составы якын арада расланачак.

Татарстан Республикасы Авыл хуҗалыгы һәм азык-төлек министрлыгы шәхси ярдәмче хуҗалык тотучы гражданнарның чыгымнар өлешен каплауга гаризалар кабул итү турында хәбәр итә. Гаризаларны 2026 елның 20 апреленнән 4 маена кадәр тапшырырга мөмкин. Бу хакта ТР Авыл хуҗалыгы һәм азык-төлек министрлыгының матбугат хезмәте хәбәр итә.

«Бердәм Россия» 24 апрельдә «Җиңү диктанты» халыкара акциясен үткәрәчәк. Быел аның өчен дөньяның 75 илендә 36 мең мәйданчык әзерләнде, дип хәбәр итә партиянең матбугат хезмәте.

Казан федераль университетының Филология һәм мәдәниятара багланышлар институтында Татарстанның халык язучысы Нурихан Фәттахның 1965 елда язылган «Кырык дүртнең май аенда» повесте нигезендә төшерелгән нәфис фильмны карау һәм фикер алышу узды. Әлеге чара бөек шагыйребез Габдулла Тукайның тууына 140 ел тулу уңаеннан Татарстанда узучы Милли кино көннәре кысаларында күрсәтелде.

«Рувики» һәм Казан федераль университеты тел һәм мәдәни мирасны саклауга һәм популярлаштыруга юнәлдерелгән «Татар теленең цифрлы этномәдәни сүзлеге» проектын гамәлгә ашыра. Бу хакта интернет-энциклопедиянең матбугат хезмәте хәбәр итә.

Кукмара районының Лубян авылында Нократ елгасында су күтәрелү сәбәпле, 10 йорт яны кишәрлеген су баскан. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр иттеләр.

«Бердәм Россия» партиясе алдан тавыш бирүдә катнашу өчен сайлаучыларны терки башлады. Теркәлү федераль дәүләт хезмәтләре порталы аша верификация белән PG.ER.RU сайтында мөмкин, дип хәбәр итә «Бердәм Россия»нең Татарстан төбәк бүлеге матбугат хезмәте.

Узган шимбәдә Сургут шәһәренең үзәк китапханәсендә халыкара бердәмлекне ныгыту ниятеннән «Библиотөн» акциясе оештырылган. Халкыбыз мәдәният-сәнгате белән «Ханты-Манси Югра Төбәк Татар Яшьләр берлеге» активы таныштыра. Кыска гына вакыт аралыгында гаять тирән эчтәлекле программа тәкъдим ителә. Бу хакта Бөтендөнья татар конгрессы матбугат хезмәте хәбәр итә.

2027 елда төзекләндереләчәк иҗтимагый киңлекләр өчен бөтенроссия онлайн-тавыш бирү башланды. Кампаниянең башлануы турында Россия Президенты Владимир Путин «Служение» III Бөтенроссия муниципаль премиясен тапшыру тантанасында хәбәр итте.

Трагедия произошла на Волге в Казани возле садового товарищества «Дубки‑2».

Фаҗига Казанда, Идел елгасында «Дубки‑2» бакчачылык ширкәте янында булган.

Россиядә төбәк һәм федераль социаль түләүләрне бердәм рәсмиләштерү системасына берләштерергә ниятлиләр – бу хактагы закон ташламалар алуны җиңеләйтәчәк һәм гражданнарның төрле инстанцияләргә мөрәҗәгатьләре санын киметәчәк. Бу хакта NEWS.ru порталы депутат Никита Чаплинга сылтама белән хәбәр итә.

Яңа колониягә күчерү Мифтаховка карата соңгы эш буенча чыгарылган хөкем белән бәйле.

Татарстан башкаласында хатын-кыз машина йөртүче җәяүлене бәрдергән мизгел видеога эләккән. Язманы шәһәр интернет-берләшмәләренең берсендә урнаштырганнар.

Татарстан Рәисе Рөстәм Миңнеханов республика ярдәме белән төзелә торган Бохара сәнәгатьне үстерү комплексында индустриаль парк резиденты – Кытай инвесторы белән татар телендә аралашты. Бу хакта ТР Рәисенең матбугат хезмәте җитәкчесе Лилия Галимова хәбәр итә.

Искәртеп үтәбез, ике ир-ат җомга көнне, 17 апрельдә, Татарстанның Минзәлә районында Ык елгасында балык тоткан вакытта югалган. Дусай-Кичү авылы янында эзләү барышында коткаручылар бер балыкчының мәетен тапкан. Россия Гадәттән тыш хәлләр министрлыгының ТР буенча Баш идарәсе матбугат хезмәтендә «Татар-информ» агентлыгына хәбәр итүләренчә, хәзерге вакытта водолазлар 64 мең квадрат метрдан артык мәйданда елганың төбен тикшергән, ә коткаручылар моторлы көймәдә 215 000 квадрат метрдан артык акваторияне күз уңыннан үткәргән. Читать дальше...

Гадәттән тыш хәлләр министрлыгында Татарстан халкын 22 апрельдә төнлә һәм иртән юлларның аерым участокларында бозлавык көтелүе турында кисәттеләр.

Свердловск өлкәсе Серов шәһәрендә «Без – Урал татарлары!» VI ачык татар мәдәнияте конкурс-фестивале узган. Чара мәдәни багланышларны тирәнәйтүгә, халыкларның милли мәдәниятен популярлаштыруга, шулай ук халык җыры ансамбльләренең һәм башкаручыларның иҗади потенциалын ачу һәм үстерүгә, шул исәптән җирле фольклорны танытуга юнәлдерелгән. Бу хакта Татарстан Республикасының Свердловск өлкәсендәге даими вәкиллеге хәбәр итә.

Татарстан Республикасы Милли музее филиалы - Габдулла Тукай әдәби музее алдагы җәй айларында күчмә туй тантаналары өчен ихтыяҗ иң зур булган мәйданчыкларның берсенә әверелде. ТР Милли музее генераль директоры Айрат Фәйзрахманов «Татар-информ» агентлыгында узган матбугат конференциясендә шул хакта хәбәр итте