Новости за 21.03.2026

В Чистополе стартует театральный фестиваль «Жизнь как пьеса — Гаяз Исхаки».

Чистай дәүләт тарихи-архитектура һәм әдәби музей-тыюлыгы масштаблы мәдәни проект — «Тормыш пьеса кебек - Гаяз Исхакый» дип аталган театр фестивален башлап җибәрә. Бу хакта Бөтендөнья татар конгрессының матбугат хезмәте хәбәр итә.

Россия экспорт үзәге бизнеска «Халыкара кооперация һәм экспорт» илкүләм проекты кысаларында чимал һәм энергетик булмаган экспортка ярдәм итүнең мөмкин булган алымнары турында хәбәр итүен дәвам итә, диелә Татарстан Республикасы Сәнәгать һәм сәүдә министрлыгы хәбәрендә.

Мәскәүдә пенсионер хатын-кызның домофон ачкычын алыштыру сылтавы белән 18 миллион сум акчасын урлаганнар. Бу хакта ТАСС агентлыгы Мәскәү прокуратурасына сылтама белән хәбәр итә.

Татарстан Республикасы Мәгариф һәм фән министрлыгы «Иң яхшы билингваль балалар бакчасы» грантын игълан иткән иде. Әлеге грантта республиканың 37 балалар бакчалары катнашты, дип хәбәр итә «Мөслим-информ» сайты.

Фигуралы шуучы Камилә Вәлиева Санкт-Петербургта узучы Беренче канал Кубогында кыска программада чыгыш ясаганнан соң үзенең тренеры Светлана Соколовскаяга һәм бөтен штабка рәхмәт белдерде. Бу хакта РИА Новости агентлыгы хәбәр итә.

«Уртача тәүлеклек температура тотрыклы рәвештә +5 градустан югары булса җәйге тәгәрмәчкә күчәргә мөмкин» дигән традицион кагыйдәгә һәрвакытта да ышанырга ярамый. Синоптик Татьяна Позднякова «Ридус» интернет-газетасына биргән интервьюсында тагын нәрсәгә игътибар итәргә кирәклеген аңлатты.

Иранның Берләшкән Гарәп Әмирлекләренә һөҗүме нәтиҗәсендә якынча 160 кеше зыян күргән. Бу хакта ТАСС агентлыгы илнең Саклану министрлыгына сылтама белән хәбәр итә.

В Музее современного этноискусства Елабужского государственного музея-заповедника открылась выставка «Душа с Тукаем говорит», посвященная памяти Габдуллы Тукая.

Алабуга дәүләт музей-тыюлыгының Заманча этносәнгать музеенда бөек татар шагыйре Габдулла Тукайга багышланган «Күңелем Тукай белән сөйләшә» күргәзмәсе ачылды. Бу хакта Бөтендөнья татар конгрессының матбугат хезмәте хәбәр итә.

Лаешта Ел саен үткәрелә торган «Созвездие – Йолдызлык» XXVI ачык республика телевизион яшьләр эстрада сәнгате фестиваленең алтынчы зона этабы башланды. Ике көн дәвамында, 21-22 мартта, район мәдәният йорты сәхнәсендә Татарстанның Питрәч, Мамадыш, Лаеш һәм Балык Бистәсе районнарыннан 1300гә якын бала үз талантларын күрсәтәчәк, дип хәбәр итә оештыручылар.

Фигуралы шуучы Камилә Вәлиева Санкт-Петербургта узучы Беренче канал Кубогында кыска программада дүртенче урынны алды. Программаның бу төрендә өч тапкыр Россия чемпионы Аделия Петросян җиңү яулады, дип хәбәр итә РИА Новости агентлыгы.

Татарстанның агросәнәгать комплексы алдында товар китерү географиясен киңәйтү бурычы тора - өстенлекле юнәлешләр сыйфатында Төньяк Африка һәм Көньяк-Көнчыгыш Азия илләре билгеләнгән. ТР Премьер-министры урынбасары – авыл хуҗалыгы һәм азык-төлек министры Марат Җәббаров традицион республика киңәшмәсендә шулай дип белдерде.

Үткәрелгән тикшеренүләр күрсәткәнчә, Татарстанда көзге культура чәчүлекләренең бик аз өлеше генә һәлак булган. ТР Премьер-министры урынбасары – авыл хуҗалыгы һәм азык-төлек министры Марат Җәббаров традицион республика киңәшмәсендә шулай дип белдерде.

Байлар Сабасында, «Саба-Арена» спорт мәктәбе территориясендә, 22 мартка кадәр дәвам итәчәк өстәл теннисы буенча халыкара турнирны ачу тантанасы булды.

Татарстанда «Безнең ишегалды» программасы буенча төзелеш эшләре 1 апрельдә башланырга тиеш. «Татарстан Республикасы шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова традицион республика киңәшмәсендә шул хакта сөйләде.

Татарстан Рәисе Рөстәм Миңнеханов MAX каналында Байлар Сабасында өстәл теннисы буенча халыкара ярышлар башлануын шәрехләде.

Бүген Байлар Сабасында «Саба-Арена» спорт мәктәбе территориясендә өстәл теннисы буенча XXIV халыкара турнир ачылды, ул шәһәр тибындагы бистәдә өченче тапкыр уза.

Бөгелмәдә газ белән агулану нәтиҗәсендә ике бала һәм бер олы кеше зыян күргән. Аларны хастаханәгә озатканнар.

Үсмерләр арасында дөнья чемпионы Камилә Вәлиева фигуралы шуу буенча Беренче канал Кубогында кыска программада «Утомленное солнце» җыры астында чыгыш ясаячак. Бу хакта Беренче канал эфирында сөйләделәр.

РФ халыкларының туган телләре федераль институты Россия республикаларының туган һәм дәүләт телләре буенча дәреслекләрнең тулы бер линейкаларын әзерләргә кереште. Бу хакта РФ Мәгариф министрлыгы матбугат хезмәтендә белдерделәр, дип хәбәр итә ТАСС агентлыгы.

Татарстанда торак төзү буенча еллык программа 38 процентка үтәлгән - төзүчеләр тарафыннан планлаштырылган 3 миллион 175 мең квадрат метрның 1 миллион 194 мең квадрат метрдан артыгы файдалануга тапшырылган. ТР төзелеш, архитектура һәм торак-коммуналь хуҗалык министры Марат Айзатуллин төбәк Хөкүмәте йортында узган традицион киңәшмәдә шул хакта хәбәр итте.

Гадәттән тыш хәлләр министрлыгында татарстанлыларны иртәгә республикада күзәтеләчәк томан турында кисәттеләр.

Татарстан Рәисе Рөстәм Миңнеханов традицион республика киңәшмәсе вакытында мәдәният хезмәткәрләрен һәм росгвардиячеләрне якынлашып килүче һөнәри бәйрәмнәре белән котлады. Бу хакта ТР Рәисенең матбугат хезмәте хәбәр итә.

Үсмерләр арасында дөнья чемпионы Камилә Вәлиева 2026 елда фигуралы шуу буенча Беренче канал Кубогы кыска программасында дүртле тулуп ясарга ниятли.