Новости за 13.12.2024

Ноябрь аенда Татарстан Яшьләр эш­ләре министрлыгы бинасында «Иделем акчарлагы – 2024» бәй­гесенең йомгаклау чарасы узды. Быел ике яшь язучы (18 яшьтән өлкәннәр) – Эльвина Миңнуллина («шигърият») һәм Фирүзә Бикбаева («проза») Гран-прига лаек булды. Бу хакта https://saby-rt.ru/ сайтында хәбәр ителә.

Декабрьнең беренче декадасы Казанда нормадан шактый җылырак булды. Төньяк Атлантиканың активлыгы арту сәбәпле, температура һәм атмосфера басымы еш үзгәреп торды. Бу хакта «Татар-информ»га профессор, география фәннәре докторы Юрий Переведенцев хәбәр итте.

Казанда Урицкий паркында Бөек Ватан сугышында һәлак булган геройлар истәлегенә куелган мемориалда Мәңгелек утны кабыздылар. Бу хакта Татарстан башкаласы мэриясенең матбугат хезмәте хәбәр итә.

Тубыл шәһәренең Себер-татар мәдәният үзәгендә «Бохаралылар Себердә» дип аталган фестиваль узды. Бу хакта үзәк «ВКонтакте»дагы төркемендә хәбәр итте.

«Хәрәкәттә-бәрәкәт» проекты кураторы Сәидә Кадыйрова-Миңнебаева проект турында фикерләрен сөйләде. Бу хакта ул Казан Ратушасында 2024 елда Казан мэриясе оештырган милли чараларга һәм проектларга багышланган түгәрәк өстәлдә әйтте.

Мәскәү өлкәсе мөселманнары Диния нәзарәте һәм «Бәрәкәт» кибетенең уртак хәйрия проекты - «Мәрхәмәтлелек кәрзине» Мәскәү өлкәсендә яшәүче мохтаҗларга ярдәм итүгә юнәлдерелгән. Бу юлы «кәрзин» Чехов шәһәренә китә, анда җирле мөселман җәмгыяте җитәкчелеге аны мохтаҗларга тапшыра. Бу хакта Россия Мөфтиләр шурасы матбугат хезмәте хәбәр итә.

Бу Роскомнадзор тарафыннан томаланган чираттагы мессенджер булып тора.

Россия Президенты Владимир Путин Чечня Республикасы Башлыгы Рамзан Кадыровка II дәрәҗә «Ватан алдындагы казанышлары өчен» орденын тапшырды. Бу хакта тантанада катнашучыларның берсе төшергән видеога сылтама белән ТАСС хәбәр итә.

Казан шәһәре Башкарма комитеты җитәкчесе урынбасары Гүзәл Сәгыйтова әйтүенчә, «Безнең җыр» лабораториясе – проекты кысаларында иҗат ителгән җырларны тавыш яздыру студиясендә яздырачаклар һәм аларга клип төшерәчәкләр. Бу хакта ул Казан Ратушасында 2024 елда Казан мэриясе оештырган милли чараларга һәм проектларга багышланган түгәрәк өстәлдә әйтте.

Россия Төзелеш һәм торак-коммуналь хуҗалык министрлыгы җитәкчесе Ирек Фәйзуллин Татарстан төзелеш, архитектура һәм торак-коммуналь хуҗалык министры Марат Айзатуллин белән эшлекле очрашу уздырды.

Казан Ратушасында 2024 елда Казан мэриясе оештырган милли чараларга һәм проектларга багышланган түгәрәк өстәл булды. Түгәрәк өстәлнең алып баручысы Айсылу Лерон «Әминә» мультфильмы аша балаларның татар телен өйрәнүен әйтте.

Татар эстрада артистлары Россия рэперы Дино МС47 һәм Татарстанның халык артисты Винера Ганиеваның «Аерылмагыз» дигән яңа җырын актив рәвештә хуплый. Күптән түгел музыкаль мәйданчыкларда чыккан композиция тыңлаучыларның күңелен яулап өлгергән һәм күп кенә җырчылар хуплап чыккан.

Башкортстанның халык язучысы, галим, Бөек Ватан сугышы яугире Суфиян Поварисовның тормышына багышланган истәлекләр китабы нәшер ителде. Басма Зәйнәп Биишева исемендәге «Китап» дәүләт нәшрияте басмаханәсендә дөнья күрде.

Бу былтыргыдан 20 процентка күбрәк.

Казаннан Һиндстанның Гоа курорт штатына туристик рейслары ачылды. Очышлар һәр ун көн саен башкарылачак. Бу хакта башкала аэропортының матбугат хезмәте хәбәр итә .

В этом году свои таланты представили 15 педагогов района, трое из них в номинации «Педагогический дебют».

Илья уже становился героем нашего сюжета, где мы рассказали о его победе во Всероссийском конкурсе «Звезда ЮИД».

Мәскәү өлкәсеннән 16 яшьлек Динияр Садыйков Тай боксы буенча «Бердәмлек кубогы»нда беренче урынны яулады, үз яше һәм авырлык категорияләрендә иң яхшысы булды. Муайтай (тай боксы) буенча XVIII халыкара турнир һәм Россия кубогы Түбән Новгородта узды. Ул Россия беренчелегенә сайлап алу туры булып тора.

Мероприятие, посвященное увековечиванию памяти нашего земляка – поэта, художника, лауреата премии «Филантроп» Гакиля Сагирова, прошло в малом зале городского Дворца культуры.

Кышкы каникул көннәрендә, 30 декабрьдә, Чаллы шәһәренең «Ак мәчет» мәдрәсәсендә Татарстан мөфтияте һәм мөхтәсибәт бүләкләренә балалар арасында Республикакүләм традицион Коръән укучылар бәйгесе үткәреләчәк. Бу хакта ТР Диния нәзарәте матбугат хезмәте хәбәр итә.

Ул Федераль иминлек хезмәтенең Контркүзләү операцияләре департаменты эшчәнлегенә багышлана. Журналист аны "Путинның иң куркыныч яшерен агентлыгы дип атый. Анда эшләүчеләр диверсияләр, кешеләрне урлап китү һәм чит ил ватандашларын кулга алулар өчен җаваплы, диелә.

«Хан Солтан. Алтын Урда» операсын 15-16 декабрьдә Истанбулда күрсәтәчәкләр. Бу хакта «Татар-информ» хәбәрчесенә Татарстан Фәннәр академиясенең Шиһабетдин Мәрҗани исемендәге Тарих институтының Миркасыйм Госманов исемендәге Алтын Урда һәм татар ханлыкларын тикшеренүләр үзәге җитәкчесе Илнур Миргалиев сөйләде.

Иртәгә, 14 декабрьдә, Казанда авыл хуҗалыгы ярминкәләре эшләячәк. Мәйданчыкларда халыкка яшелчәләр, ит һәм сөт продукциясе, ярдәмче хуҗалык ихтыяҗлары өчен товарлар ваклап сату бәяләреннән 15 процентка кадәр арзанрак бәядән тәкъдим итәчәкләр.

Синоптиклар фаразлаганча, бүген кич, төнлә һәм 14 декабрьдә көндез Татарстанда буран була, күз күреме 1-2 километрга кадәр начарлана һәм секундына 15 метр тизлектә көчле җил исәчәк. Шул сәбәпле, республиканың Дәүләт автомобиль инспекциясе юлларда имин хәрәкәт итү кагыйдәләрен искәртте.

Татарстан Язучылар берлеге рәисе Ркаил Зәйдулла Казахстан Язучылар берлегенең 90 еллык юбилеена багышланган тантанада катнашты. Бу хакта ТР Язучылар берлеге матбугат хезмәте хәбәр итә.