Новости за 20.08.2020

(Ютазы, 20 август, «Татар-информ», « Ютазы таңы »). Бүген Ютазы районында яшәүчеләре ТАССРның 100 еллыгы уңаеннан Флаг эстафетасын тантаналы рәвештә каршы алды. Бу турыда район басмасы хәбәр итә. ТАССРның 100 еллыгы әләме Россия Федерациясенең барлык федераль округлары буенча йөреп чыкты һәм аңа РФ субъектлары гербы төшерелгән 68 тукыма беркетелде. Татарстанга әйләнеп кайткан ТАССРның 100 еллыгы әләме 27 районда булып, кичә Ютазы җиренә дә килеп җитте. Аны «Энергия» стадионында тантаналы шартларда район җитәкчелеге... Читать дальше...

(Чирмешән, 20 август, «Татар-информ», «Безнең Чирмешән» , Кадрия Гамирова). Чирмешән районының Кармыш авылында «Мәктәпкә җыенырга ярдәм ит!» акциясе башланып китте. Түбән Кама шәһәрендә гомер итүче авылдашлары Фәгыйль Гатиятов җиде балага үзе әзерләгән бүләкләрен тапшырды. Бу турыда район басмасы хәбәр итә. Лашман коррекцион мәктәбендә белем алучы укучыларны район үзәгенә чакырып кунак иттеләр, бәйрәм оештырдылар, мәктәп кирәк-яраклары тутырылган букчалар бүләк иттеләр. Уку елы башланыр алдыннан... Читать дальше...

(Казан, 20 август, «Татар-информ»). Татарстанда 2 млн 941 мең тонна ашлык җыелган. Бөртекле һәм кузаклы культуралар 752,4 мең га мәйданнан җыеп алынган, бу әлеге культураларның урып-җыю мәйданының 50 процентын тәшкил итә. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә. «Суктырылган ашлык күләме буенча Буа районы алда бара — 132,7 мең тонна, шулай ук Тәтеш районы — 131,3 мең тонна һәм Зәй районы — 124,8 мең тонна», — дип билгеләп үтелә хәбәрдә. Читать дальше...

(Казан, 20 август, "Татар-информ", Надежда Гордеева). Казан федераль университетының барлык студентларга стипендияләрне 5 процентка арттыру мөмкинлеге бар. Бу хакта туры эфирда КФУ ның белем бирү эшчәнлеге буенча проректоры Дмитрий Таюрский хәбәр итте. "КФУда 1 сентябрьдән - студентларга, 1 октябрьдән аспирантларга стипендияне 5% ка арттыру мөмкинлеге булуы әйтелде. Стипендиаль тәэмин итү буенча безнең студентлар күп төрле категориягә кертелгән. Стипендиянең иң азы - 2 мең 100 сум, аннан - 3 мең... Читать дальше...

Чит илләргә Казаннан 20 августтан очарга мөмкин.

(Казан, 20 август, «Татар-информ»). Казан паркларында һәм скверларында вакансияләр ярминкәләре узачак, анда эш эзләүчеләргә мәктәп ашханәләрендә вакансияләр булуы турында сөйләячәкләр. Бу хакта ТР башкаласы мэриясенең матбугат хезмәте хәбәр итә. Чаралар 28 августта узачак. «Ярминкәләрдә эш эзләүчеләр  Казанның азык — төлек һәм социаль туклану департаментының кадрлар хезмәте һәм уку йортлары вәкилләре белән очрашачак, кыйммәтле призлар уйнатуда катнаша алачак», - диелә матбугат хезмәте хәбәрендә. Читать дальше...

(Казан, 20 август, «Татар-информ», Надежда Гордеева). Казан федераль университеты быел беренче курс студентлары өчен традицион тантаналы линейканы 1 сентябрьдә үткәрмәячәк. Бу хакта туры эфирда КФУның яшьләр сәясәте, социаль мәсьәләләр һәм физкультура-спорт тәрбиясе системасын үстерү департаменты директоры Юлия Виноградова хәбәр итте. «Һәрвакыт үткәрелеп килгән зур чараларны, ә соңгы елларда алар Универсиада авылы территориясендә узды, кызганыч, быел без уздыра алмыйбыз, чөнки бу массакүләм чаралар. Читать дальше...

(Казан, 20 август, «Татар-информ», Гөлүзә Ибраһимова). Казан шәһәр филармониясе артистлары Урицкий паркында «Ретро-шлягер» дип аталган концерт куйды. Ретро концерт Сиринә Зәйнуллина чыгышы белән башланды. Аннан Рөстәм Асаев, Эльвира Хәйруллина, Сөмбел Билалова, Фердинанд Фәтхи, Гөлшат Имамиева, «Идел егетләре» ансамбле, Рәзидә Шәрәфиева һәм Рөстәм Закиров чыгышлары белән дәвам итте. Концертны Сөмбел Билалова һәм Илнур Фәсхетдинов алып барды. Илнур Фәсхетдинов бүген тәүге тапкыр филармония артистлары белән бергә чыгыш ясады... Читать дальше...

(Казан, 20 август, «Татар-информ»). Җомга көнне, 21 августта, Татарстан Республикасы территориясендә болытлы һәм яңгырлы һава торышы көтелә. Бу хакта ТР Гидрометеорология үзәге матбугат хезмәте хәбәр итә. «Алмашынучан болытлы һава торышы фаразлана. Урыны белән бераз яңгыр көтелә», - дип хәбәр иттеләр синоптиклар. Моннан тыш, төньяк-көнбатыштан исүче җилнең тизлеге секундына 14 метрга кадәр җитәргә мөмкин. Төнлә температура 6-11 градус фаразлана, ә көндез һава 14-19 градуска кадәр җылыначак.

(Казан, 20 август, «Татар-информ»). Татарстан Республикасыннан ике проект «Мәдәният волонтерлары» волонтерлык хәрәкәтенең I грант конкурсында җиңүче булды. Чара «Мәдәният» илкүләм проекты ярдәмендә узды. Бу хакта ТР Мәдәният министрлыгының матбугат хезмәте хәбәр итә. Җиңүче проектлар - «Утраулар» фестивале һәм «Яшьләр. Мәдәният. Менеджмент». Конкурсны Россия Мәдәният министрлыгы, Россия Мәдәният фонды, шулай ук «Роскультпроект» оештырды. «Утрау» фестиваленең максаты — иҗат белгечлекләре алучы студентларга − рәссамнарга... Читать дальше...

(Казан, 20 август, «Татар-информ» , Гүзәл Хөсәенова). Чаллыда өч җиңел машина бәрелешкән, машина йөртүчеләрнең берсе һәлак булган. Бу хакта «Татар-информ»га авария шаһитлары хәбәр итте. Бүген көндез Чаллыда Машина төзелеше урамында «Дженезис», «Киа» һәм «Мерседес» җиңел машиналары бәрелешкән. Авариядә бер автомобильнең шоферы шунда ук үлә, икенчесе җитди җәрәхәтләр ала, аны җирле хастаханәгә алып китәләр.

(Казан, 20 август, «Татар-информ», Наталья Рыбакова). Covid-19 таралу куркынычы янауга бәйле рәвештә, яңа уку елында Татарстанның барлык мәктәпләре яңа куркынычсызлык чаралары булдырырга тиеш. Бу хакта бүген Казанда узган киңәшмәдә Роспотребнадзорның ТР буенча идарәсе җитәкчесе вазифаларын вакытлыча башкаручы Любовь Авдонина сөйләде. «Быел 3 июльдән РФ баш дәүләт санитар табибының Covid-19 таралу шартларында мәгариф оешмаларында яңа санитар кагыйдәләрне гамәлгә кертү турындагы яңа карары үз көченә керде. Читать дальше...

(Казан, 20 август, "Татар-информ", Рузилә Мөхәммәтова). Карантиннан соң беренче булып яңа сезонын Тинчурин театры артистлары ачты. Театр сәхнәсендә "Карурман" спектакленең премьерасы бара.  Тинчурин театры Роспотребнадзор таләпләрен истә тотып залының яртысына гына билет саткан. Шунлыктан спектакльне 200ләп кенә тамашачы карый ала. Тамашачы театрга температурасын үлчәп кертелә. Антисептиклар куелган, битлек тәкъдим ителә.  Тамашачыны фойеда театр оркестры каршы алды.  "Луиза Янсуар һәм Резеда Гарипованың... Читать дальше...

(Казан, 20 август, «Татар-информ», Наталья Рыбакова). Татарстанда 1404 белем бирү оешмасы эшли, бу уку елында укучылар саны 450 меңнән артык булачак, беренче сыйныфка 56 меңнән артык бала бара. Бу хакта бүген Казанда узган киңәшмәдә ТР Мәгариф һәм фән министры урынбасары Азат Шәрәпов хәбәр итте. «Беренче чиратта мәгариф учреждениеләренә янгын куркынычсызлыгы, террорчылыкка каршы якланганлык һәм санитар-эпидемиологик таләпләрне үтәүгә игътибар итәргә кирәк. Бүгенге көндә республиканың барлык мәктәпләре... Читать дальше...

(Казан, 20 август, «Татар-информ»). Татарстан башкаласында һәм аның тирә-юнендә милли парк булдыру сәбәпле, «Түбәтәй Tower» манарасы һәм парк төзелеше өчен яңа урын эзләячәкләр. Бу хакта Казансу елгасының яр буе территорияләрен үстерү стратегиясе матбугат хезмәте хәбәр итә. «Татарстан Президенты шулай ук спорт паркы зонасында  булачак «Түбәтәй Tower» манарасы төзелеше өчен яңа урын табарга кушты», — диелә хәбәрдә. Элегрәк күзәтү мәйданчыгы булган 125 метр биеклектәге небоскребны Казансу елгасының уң ярында ... Читать дальше...

(Казан, 20 август, «Татар-информ», Наталья Рыбакова). Яңа уку елы уңаеннан, 20 августтан 20 сентябрьгә кадәр Татарстанда гомуми белем бирү учреждениеләрендә балалар куркынычсызлыгы айлыгы игълан ителде. Бүген бу хакта Татарстан Республикасы Хөкүмәте Йортында узган республика киңәшмәсендә РФ Гадәттән тыш хәлләр министрлыгының ТР буенча Баш идарәсе башлыгы урынбасары Сергей Сергеев хәбәр итте. «Айлык РФ Гадәттән тыш хәлләр министрлыгының ТР буенча Баш идарәсе һәм ТР Мәгариф һәм фән министрлыгы тарафыннан игълан ителде. Читать дальше...

(Казан, 20 август, «Татар-информ»). Татарстанда ТР Президентына кандидат Олег Коробченконың агитация кампаниясе башланды. Бу хакта «Татар-информ»га партиянең матбугат хезмәтендә сөйләделәр. «Без сайлауларга республикада мөмкин кадәр күбрәк кеше лаеклы яши алсын өчен барабыз. Моны әкренләп, эчке икътисадка күчеп, яңа инвестицион проектлар, эш урыннары булдырып, бизнес үсешенә комачаулый торган административ киртәләрне алып тормышка ашырып була. Татарстанда импортны алыштыру бурычын хәл итәчәк һәм... Читать дальше...

(Казан, 20 август, «Татар-информ», Эвелина Киселева). Татарстанга гриппка каршы Россиянең үз вакцинасы кайтты. Бу хакта «Татар-информ»га республиканың сәламәтлек саклау министрлыгының матбугат хезмәтендә сөйләделәр. «Бүген 265 меңнән артык доза кайтарылды, аларның 159 мең 250е Совигрипп һәм Флю М — 106 мең 170 доза. Бу өлкәннәргә вакцинация уздыру өчен үзебезнең вакциналар», — диделәр ведомствода. ТР Сәламәтлек саклау министрлыгында препаратның якын көннәрдә медицина учреждениеләренә кайтарылачагын... Читать дальше...

(Казан, 20 август, «Татар-информ», Наталья Рыбакова). Дәүләт янгын күзәтчелеге хезмәткәрләре ел башыннан бирле Татарстан уку йортларында 1200дән артык тикшерү үткәргән һәм 2500дән артык хокук бозу очрагын ачыклаган. Бүген Казанда РФ Гадәттән тыш хәлләр министрлыгының ТР буенча Баш идарәсе башлыгы урынбасары Сергей Сергеев шундый саннар китерде. «Мәктәпкәчә белем бирү оешмалары объектларында 602 тикшерү үткәрелде, 608е — гомуми белем бирү оешмалары объектларында һәм 30ы — урта һөнәри белем бирү оешмаларында. Читать дальше...

(Казан, 20 август, «Татар-информ»). Кытайның әйдәп баручы эпидемиологы Чжун Наньшань яңа төрдәге Covid-19 коронавирусына каршы Россиядә уйлап табылган вакцинага югары бәя бирде һәм Россияне әлеге препаратны теркәү процедурасы төгәлләнүе белән котлады, диелә РФ илчелеге Пекинда ясаган белдерүдә. Бу хакта РИА Новости агентлыгы хәбәр итә. РФ Сәламәтлек саклау министрлыгы Гамалея исемендәге Эпидемиология һәм микробиология илкүләм тикшеренү үзәге тарафыннан Россия туры инвестицияләр фонды белән берлектә... Читать дальше...

Әлеге учреждениенең матди-техник базасы “Мәгариф” федераль, “Заманча мәктәп” төбәк милли проекты буенча яңартыла

(Теләче, 20 август, «Татар-информ», Алинә Айдарова). Теләчедә «Туган авыл» күңел ачу комплексына капиталь ремонт ясаганнар. Ремонт бәясе өч миллион сумга төшкән. Бүген Татарстан Премьер-министры урынбасары Васил Шәйхразиев күңел ачу комплексы җитәкчесе Рифкать Шәфыйковка «ТАССРның 100 еллыгы» информацион билгесен чыгарыла торган товарларда куллануны раслаучы сертификат тапшырды. «Хәзер шәһәргә барып йөрисе дә юк. Су коенып та, хоккей уйнап та була. Кирәк икән, 180 урынлык ресторан да бар», — диде район җитәкчесе Нәҗип Хаҗипов. Читать дальше...

(Чаллы, 20 август, «Татар-информ», Эльвира Мөхәммәтдинова). Чаллыда Covid-19 авыруы белән чирләгән 170 кеше реабилитация уза. Бу хакта журналистларга шәһәрнең сәламәтлек саклау идарәсе башлыгы Александр Николаев хәбәр итте. Covid-19 белән авырган кешеләрнең сәламәтлеген торгызу белән 7нче сырхауханә һәм сугыш ветераннары өчен госпиталь белгечләре көндезге стационар шартларында шөгыльләнә. Беренче чиратта чаллылыларга биредә сулыш тренажерлары ярдәмендә дәвалау күнегүләре тәкъдим ителә. Пациентлар... Читать дальше...

(Казан, 20 август, Татар-информ», Гүзәл Хөсәенова). ТР сәламәтлек саклау министрлыгы Татарстанда гөмбә белән агуланудан бала үлемен кире какты. Бу хакта «Татар-информ»га ведомствоның матбугат хезмәтендә хәбәр иттеләр. Татарстан Республикасы Сәламәтлек саклау министрлыгы бала үлеме турындагы мәгълүматны кире какты. Элегрәк  мәгълүмат чараларында Татарстанда бер гаиләнең гөмбә белән агулануы, нәтиҗәдә, бала вафат булуы турында мәгълүмат пәйда булган иде. Сәламәтлек саклау министрлыгы тикшерүе күрсәткәнчә... Читать дальше...

(Казан, 20 август, «Татар-информ», Динара Прокопьева). Татарстан җәлеп ителгән чит ил инвестицияләре күләме буенча Россия төбәкләре арасында беренче унлыкка керә алды. Бу хакта ТР Инвестицион үсеш агентлыгы җитәкчесе Талия Миңнуллина туры эфир вакытында сөйләде. «Узган ел Татарстан беренче тапкыр җәлеп ителгән чит ил инвестицияләре күләме буенча Россиянең 12 субъекты арасына керде. Былтыр без 1,8 млрд доллар җәлеп итә алдык», - диде ТР Инвестицион үсеш агентлыгы җитәкчесе.   Аның сүзләренә караганда... Читать дальше...