«Rosgeologiya» yılnıñ soñuna qadar Qırımda 30 quyu qazmağa planlaştıra
Bu aqta o, Rusiye prezidenti Vladimir Putin ile kerçekleştirgen videokonferentsiya vaqtında tarif etti.
«Yılnıñ soñuna qadar 10-ğa burğunen teşken donatma kirip çalışacaq; şimdi altı danesi endi çalışa. 30 quyu qazılacaq, 22-si, Vladimir Vladimiroviç, ağğa endi suv berecek», – dedi o.
Husnullinniñ qayd etkenine köre, Qırım ve Aqyarğa ağlarda suv coyulmasını eksiltmek içün 800 mln ruble berildi, leyha ve azırlıq işleri endi keçirile, dep ayta.
Marat Husnullinniñ bildirgenine köre, Rosgidromet tahminine köre işğal altındaki yarımadada 2020 senesiniñ dördünci kvartalında özenlerniñ suvu normadan 10-dan 60%-ğa qadar olacaq.
O, Rusiye ükümeti işğal etilgen yarımadada suv teminlevi problemleri sebebinden 14 tedbirden ibaret plannı azırladı, dep bildire. Olarnı 2020 senesinden 2024 senesine qadar kerçekleştirmege isteyler, fiyatı 48 milliard oldı.
Aqyar akimiyeti, yağmur cedvel boyunca suv berüvden qaçınmağa imkân berir, dep ümüt ete.
Rusiye prezidentiniñ matbuat kâtibi Dmitriy Peskov, Rusiye işğal etilgen Qırımnı Ukrainasız suvnen temin ete bile, dep bildirdi.
Ukrainanıñ BM Serğiy Kıslıtsânıñ Qırım.Aqiqatqa bildirgenine köre, Rusiye Ukraina akimiyetine resmiy şekilde muracaat etse ve özüni işğalci memleket dep qabul etse, Dnipro suvınıñ işğal etilgen Qırımğa berilmesi mümkün olacaq.
Qırımnıñ Rusiye ükümeti bildirgenine köre, yarımadanıñ suv teminatı ile «eñ yaramay stsenariyge» azırlanalar. Kreml kontrolindeki Qırım yolbaşçısı Sergey Aksenovnıñ bildirgenine köre, Rusiye Qırımnıñ suv teminatı vaziyeti fevqulâde olğanını tanıy. O, 2020 senesi 150 yıl içinde eñ quru oldı, dep bildirdi.
BM Ukraina monitoring missiyası, Qırım yarımadasınıñ işğaline baqılsa, «Rusiye Qırımda qorçalanğan insanlarnı suvnen temin etüvden mesüliyetli ola», dep israr ete.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
Qırımdaki suv yedekleri suv anbarları ve yerastı çoqraqlardan toldurıla. Ekologlarnıñ aytqanına köre, yerastı çoqraqlarnıñ muntazam sürette qullanılması yarımadada topraqnı tuzlattı. Qırım akimiyeti yarımada sakinlerini suvnı az qullanmağa çağıra.