Gazagystanda awtobusyň agdarylmagy netijesinde sekiz adam öldi
Awtobusyň içinde 35 adam bolup, heläkçiligiň netijesinde olaryň 25-si ýaralandy.
Ýolagçylaryň raýatlygy barada maglumat berilmedi.
Ýol hereketi düzgünleriniň bozulmagy boýunça jenaýat işi açyldy.
Ýewropa Bileleşigniň Eurostat gullugynyň maglumatlaryna görä, Gazagystan ýol heläkçilikleriniň sany boýunça dünýädäki ilkinji bäş döwletiň hataryna girýär. Ýol hereketiniň düzgünlerini äsgermezlik, ýollaryň hiliniň pesligi ýaly ýagdaýlar ýol hadysalarynyň ýüze çykmagynyň esasy sebäpleri bolup durýar.