Новости за 12.07.2023

ÝHHG-niň metbugat azatlygy boýunça wekili Tereza Ribeýro düýn Türkmenistana eden saparyny tamamlady diýip, guramanyň web sahypasy 11-nji iýulda habar berdi. Saparynyň dowamyndaTürkmenistanyň Daşary işler ministriniň orunbasary Wepa Hajyýew, türkmen parlamentiniň başlygy Dünyägözel Gulmanowa, Telewideniýe, Radio ýaýlymlary we Kinematografiýa boýunça döwlet komitetiniň başlygy Arslan Aşyrow we adam hukuklary boýunça wekil Ýazdursun Gurbannazarowa dagy bilen duşuşyk geçirdi. Ribeýro kärdeşleri bilen... Читать дальше...

Türkmenistanyň welaýatlarynyň ýaşaýjylary döwlet ähmiýetli şäher diýen aýratyn hukuk ýagdaýy berlen Arkadag şäherindäki ýaşaýyş jaýlaryndan satyn alyp bilmeýärler. Häkimiýet wekilleri welaýat ýaşaýjylaryna bu jaýlardan diňe Ahal welaýatynda ýa-da Aşgabatda ýazgyda duran raýatlaryň satyn alyp bilýändigini aýdýarlar. Şeýle-de, bu jaýlardan satyn almaga isleg bildirýän welaýat ýaşaýjylary ýörite gulluklaryň işgärleri tarapyndan yzarlanýar.​ Türkmenistanlylaryň ençemesi muny “aç-açan diskriminasiýa” atlandyrýar. Читать дальше...

Türkmenistanyň ýokary kanun çykaryjy edarasy Halk Maslahatynyň Ykdysadyýet, maliýe we durmuş syýasaty boýunça komitetiniň başlygy döwlet edaralarynyň raýatlaryň ýüzlenmelerine reaksiýasynyň ýokdugyny mälim edipdir. Garaşsyz neşir “Turkmen.news” resminiň ýazmaça ýüzlenmesiniň tekstini çap etdi. Komitete 2021-nji ýylyň aprelinde ýolbaşçylyk eden Guwançmyrat Agaýewiň ýüzlenmesinde şeýle diýilýär: “Türkmenistanyň Halk Maslakhatyna birnäçe arza, teklip we haýyş gelip gowuşdy. Ykdysadyýet, maliýe we... Читать дальше...

Şu günler Türkmenistanyň dürli sebitlerinde aşa yssy howa höküm sürýär. Lebap welaýatynda howanyň temperaturasy gündiz, kölegede 45 gradusa ýetdi. Elektrik energiýasy bilen işleýän enjamlara, şol sanda kondisionerlere agram düşýär. Gidrometeorologiýa gullugy yssy howa babatda duýduryş yglan etmedi. Bu aralykda, Saglyk ministrliginiň Maglumat gullugy jöwzaly tomusda howa kadalarynyň berjaý edilmegini maslahat berýär.

Aşgabatda ýerasty suwlary çekmek üçin birnäçe uly drenaž tuneli gurlar. Türkmenistanyň habar beriş serişdelerinde olaryň 2030-njy ýyla çenli Aşgabadyň eteginde peýda boljagyny habar berdiler. Soňky ýyllarda ýerasty suwlar meselesi milliardlarça dollarlyk desgalaryň käbiriniň gurulmagyna, beýlekileriniň işlemegine päsgelçilik döredipdi.

Balkan welaýatynyň häkimiýetleri Hazar deňziniň kenaryndaky şäherçelerde dilegçilere we zir-zibil dörýän raýatlara garşy giň gerimli reýdleri geçirdiler. Reýdleriň dowamynda onlarça raýat, şol sanda çaga we maýyp saklanyp, polisiýa bölümlerine alnyp gidildi. Häkimiýet wekilleri reýdleriň sebäbini “dilegçileriň we zir-zibil dörýänleriň prezidentiň abraýyna kölege salýandygy” bilen düşündirýärler.​

Türkmenistanyň oba hojalygy pudagynda dowam edýän problemalaryň arasynda, Mary welaýatynyň Baýramaly etrabynyň oba hojalygy edaralarynyň, şol sanda “Obahyzmat” önümçilik kärhanasynyň işgärleriniň arasynda işini taşlaýan adamlar köpelýär. Ýerli mehanizatorlar öz garamagyndaky oba hojalyk tehnikalaryna zerur bolan ätiýaçlyk şaýlarynyň üpjün edilmeýändigini we şahsy harajatlarynyň hasabyna tehnikalary abatlamagyň gymmada düşýändigini aýdýarlar.

Köp sanly adamyň gatnaşmagyndaky köpçülikleýin çäreler Türkmenistanyň jemgyýetçilik we syýasy durmuşyndaky wakalaryň aýrylmaz bir bölegine öwrüldi. Býujet işgärleri, studentler, mekdep okuwçylary, çagalar baglaryndaky körpeler, ýaşulular çärelere gatnaşmaga mejbur edilýär. Gatnaşmakdan ýüz öwürenler dürli kynçylyklara, şol sanda işinden aýrylmak howpuna duçar bolýar. Bu aralykda, Mary welaýatynda maýyp çagalar üçin mekdebiň işgärleri çärelere gatnaşmakdan boşadylmagyny gazanyp bildiler.

Türkmenistanyň döwlet dükanlarynda dowam edýän un we çörek gytçylygynyň arasynda, Aşgabatda ilata ýeňillikli bahadan un gaýtadan satylyp başlandy. Ýerli ýaşaýjylar Azatlyk Radiosynda ýurtdaky un we çörek gytçylygy barada yzygiderli habar berlenden soň, häkimiýetleriň ýagdaýy gowulandyrmaga çalyşýandygyny aýdýarlar.

Soňky aýlarda Balkan welaýatynyň Türkmenbaşy we Hazar şäherlerinde ogurlyk hadysalarynyň göz-görtele köpelendigini synlasa bolýar. Goşlary ogurlanan raýatlar etrap polisiýa işgärlerini jenaýatkärleri tapyp bilmezlikde aýyplaýarlar. Häkimiýetler polisiýa işgärlerine jenaýatçylar tapylmasa, onda raýatlaryň ogurlanan emläkleriniň öweziniň özlerine töletdiriljekdigi barada haýbat atýarlar. Bu ýagdaýlar barada Azatlyk Radiosynyň habarçysy we çeşmeleri 10-njy iýulda sebitden maglumat berdiler.

Türkmenistanyň ýeke-täk mobil operatory bolan Altyn Asyr aragatnaşyk ulgamy sebitlerde ýerleşýän türmeleriň töwereginde işlemeýär, signal öçýär, anten ýitýär. Ýerli ýaşaýjylar bu ýagdaý bilen baglylykda türmelere oturdylan signal sowujylara yşarat edýärler.

Şu günler Lebap welaýatynyň Çärjew etrabynyň bugdaý meýdanlarynda hasyl ýygnamak işleri tamamlandy. Ýerli häkimiýetler bugdaýdan boşan ýerlerden ikinji hasyl almak tagallalarynyň çäklerinde, ekerançylyk meýdanlaryny şalyçy daýhanlara bölüp berýärler. Ekiş üçin has amatly şaly meýdanlarynyň paýlanyşygynda ýokary wezipelerde tanşy bolan raýatlar ileri tutulýar. “Suw kanallarynyň gapdalyndaky ekerançylyk meýdanlaryny, birinjilik bilen, ýokary wezipelerde işleýän başlyklar saýlap alýarlar” diýip, çärjewli oba hojalyk işgäri aýdýar. Читать дальше...

Türkmenistanyň döwlet dükanlarynda ilata ýeňillikli bahadan satylýan unuň we çöregiň gytçylygy saklanyp galýan mahaly, Mary welaýatynyň Türkmengala etrabynda raýatlara ýanwar aýy üçin un paýy satylyp başlandy. Ýöne dükan işgärleriniň raýatlardan unuň ýanyndan bazar nyrhyndan iki manat gymmat satylýan günebakar ýagyny almagy talap etmegi, türkmengalalylaryň begenjine kölege salýar. “Sebit bazarlarynda 22 manat bahalanýan bu ýag döwlet dükanlarynda 24 manatdan satylýar. Dükan satyjylary ýag almadyklara... Читать дальше...

Belarusly hudožnik we syýasy tussag Ales Puşkin 11-nji iýulda, aýalynyň aýtmagyna görä, näbelli ýagdaýlarda hassahanada bejergi alýan wagtynda aradan çykdy. 57 ýaşly hudožnik “döwlet nyşanlaryny masgaralamak” we “sosial duşmançylyga ýa-da dawa-jenjele meçew bermek” aýyplamalarynda aýyplanyp, 5 ýyl azatlykdan mahrum edilipdi. Ol 1999-njy ýylda, “Prezident üçin ders” diýip atlandyran iň meşhur işinde Minskde, prezident binasynyň öňüne bir araba ders getirip dökdi. Oppozisiýa lideri Swetlana Tihanowskaýa Puşkiniň ölümine reaksiýa bildirip... Читать дальше...

Şu ýylyň birinji çärýeginde, Eýran senenamasyna laýyklykda 21-nji martdan 21-nji iýuna çenli aralykda Türkmenistana Eýranyň Horasan Razawi welaýatyndaky Lotfabad serhet geçelgesinden geçirilen harytlaryň umumy mukdary geçen ýylyň degişli döwri bilen deňeşdirilende 103% ýokarlandy diýip, “Biznes Türkmenistan” neşiri eýran metbugatyna salgylanyp habar berýär. Eýranyň IRNA habar gullugynyň Lotfabad serhet geçelgesiniň başlygy Gurban Karriminiň sözlerine salgylanyp beren habarynda bu görkezijileriň... Читать дальше...

Arkadag şäherinde seýsmiki yrgyldylary takyk bellige aljak seýsmologik stansiýanyň gurluşygy başlandy diýip, türkmen metbugaty habar berýär. Täze stansiýanyň wezipesi, habarda aýdylmagyna görä, Türkmenistanyň çäginde we onuň golaýyndaky seýsmiki taýdan işjeň sebitlerde tebigy we emeli çeşmelerden gelýän seýsmiki signallary awtomatiki ýagdaýda bellige almakdan ybarat bolar. Türkmenistanyň Ylymlar akademiýasynyň Seýsmologiýa we atmosfera fizikasy institutynyň alymlary häzir ýörite enjamlary ulanyp... Читать дальше...

12-nji iýul güni irden Moskwanyň etegindäki Kriwtsowo şäherçesinde 3200 inedördül metr meýdanda ýerleşýän birnäçe jaý ot aldy diýip, Russiýanyň Adatdan daşary ýagdaýlar ministrligi özüniň telegram habarlaşma programmasynda habar berdi. "Ýangyn söndürijiler ýangynyň ýakyndaky jaýlara we tokaýlara ýaýramagynyň öňüni almak üçin ähli tagallany edýärler" diýip, ministrlik aýtdy. “Deslapky maglumata görä, ýangyn netijesinde ölen ýa ýaraly bolan ýok" diýip, habarda bellenýär. Ýangynyň sebäbi entek belli däl. Читать дальше...