HRW “Golos” toparynyň geňeş agzasy Roman Udotyň tussag edilmeginden alada bildirýär
Williamson bu çäräniň 2018-nji ýylyň martynda bolan waka bilen baglydygyny aýtdy, şonda NTV-niň žurnalistleri Udoty Moskwa aeroportunda kameranyň öňünde soraga tutdular.
“Udot gyzyşan söz alyşma arasynda žurnalist babatda agressiw aňlatmalary ulandy we telewizion stansiýasynyň biraz öň özüne ejesiniň üstünden çykmak tagallasyny edendigini aýtdy. Soň ol öz şahsy durmuşyna gatyşylandygy üçin polisiýa şikaýat etdi” diýip, Williamson aýtdy.
Şu arada polisiýa žurnalistiň janyna wehim salmakda aýyplap, Udotyň özüne garşy jenaýat işini açdy.
Udotyň daşary ýurtda mahaly bu iş togtadyldy we ol şu aýyň başynda Orsýete dolanyp gelip, öz beren şikaýatarzasynyň ykbaly bilen gyzyklandy. Netijede, Udot 20-nji maýda sorag edildi, tussag astyna alyndy we häkimiýetler tarapyndan öý tussaglygynda ýerleşdirildi.
Eger günäli tapylsa, ol iki ýyla çenli türme tussaglygy bilen ýüzbe-ýüz bolar diýip, HRW-nyň beýanatynda aýdylýar.
NTV we rus häkimiýetleri “Golos” toparyny 2011-nji ýylda, ýurduň parlament saýlawlaryna gözegçilik edeninden soň nyşana alyp başladylar diýip, Williamson aýtdy.