Gazagystanda daşky gurşaw gözegçisini öldürmekde aýyplanýanlar tussag edildi
Içeri işler ministrligi aýyplanýanlaryň ýurduň günortasyndaky Kyzylorda şäherinde, öz öýlerinde tussag edilendiklerini mälim etdi.
Baş prokuratura 15-nji ýanwarda öldürilen Erlan Nurgaliýewiň derňewine baş prokuroryň özüniň gözegçilik edýändigini aýtdy.
Bu iş Gazagystanda uly nägilelik döretdi, şeýle-de döwlet tarapyndan goralýan saýgak keýikleriniň öldürilmegini ýene bir gezek gün tertibine getirdi.
Nurgaliýewiň işdeşiniň beren maglumatyna görä, olar 13-nji ýanwar güni Tengiz derýasynyň töwereklerine gözegçilik edýän pursady, bir ulagyň garyň ýüzündäki galdyran yzyny we tüpeň seslerini eşidipdirler. Şeýle-de, olar ýaňy öldürilen saýgak keýikleriniň üstünden barypdyrlar.