Orsýetde ýumrulan jaýyň pidalary jaýlanyp başlandy
Orsýetiň Magnitogorsk şäherinde Täze ýylyň öňýanynda ýaşaýyş jaýyň bir böleginiň ýumrulmagy zerarly wepat bolan 6 adam 4-nji ýanwarda jaýlanýar.
Döwletiň gözegçiligindäki TASS täzelikler agentligi bäş adamyň Magnitogorsk şäherinde, ýene biriniň Agapowka obasynda jaýlanjagyny habar berdi.
AÝ/AR-nyň Täjik gullugy jaýyň ýumrulmagynyň netijesinde wepat bolan dört adamdan ybarat täjik maşgalasynyň Täjigistana ugradyljakdygyny habar berdi.
31-nji dekabrda günorta Ural şäherinde 10 gatly ýaşaýyş jaýyň ýumrulmagy zerarly azyndan 39 adam wepat boldy. Olaryň şahsyýetiniň anyklanandygy aýdyldy.
Resmiler 1973-nji ýylda gurlan jaýda partlamanyň döremegine gazyň syzmagynyň sebäp bolmagynyň ähtimaldygyny aýdýarlar. Jaýda 1100 adam ýaşaýardy.
Adatdan daşary ýagdaýlar ministrligi ýüzlerçe halas edijiniň gatnaşmagynda geçirilen gözleg işleriniň tamamlanýandygyny resmi taýdan yglan etdi.