Serbiýa eýranlylar üçin wizasyz düzgüni ýatyrdy
Serbiýanyň hökümeti ýurda barýan migrantlaryň bu düzgünden Ýewropa Bileleşigine bikanun barmak üçin hyýanatçylykly peýdalanýandygyny baradaky çykyşlaryň edilýän wagtynda Eýran üçin wizasyz statusyny 11-nji oktýabrda ýatyrdy.
Wiza düzgüni geçen ýylyň 17-nji awgustynda ýatyrylany bäri, 15 müňden gowrak eýranly Serbiýa bardy. Serbiýanyň media serişdeleri Belgrad bilen Tähranyň arasynda gatnaýan uçaryň ýurda doly gelip, yzyna boş gaýdýandygyny habar beripdi.
Migrantlara ýardam beriji guramalar Eýrandan barýanlaryň ençemesiniň soň ýurduna dolanmagyň ýerine Günbatar Ýewropa tarap ugraýandygyny aýdýarlar.
Ýewropa BIleleşigine agza bolmaga dalaşgär Serbiýa bileleşigiň agzasy Horwatiýa bilen serhetleşýär.
Ýewropa Bileleşiginiň resmileri Serbiýa Eýran üçin wizany dikeltmese, onuň bilen wizasyz režimi ýatyrmak meselesine ençeme gezek seredipdi.