ÝHHG Orsýetiň saýlawlarynda “hakyky bäsdeşligiň” ýetmezçilik edendigini belledi
“Birleşmek, ýygnanmak we geplemek boýunça esasy azatlyklaryň çäklendirilmegi ... syýasy gatnaşyklar üçin giňişligi daraldýar we hakyky bäsdeşligiň ýetmezçiligine getirýär” diýip, 19-njy martda ÝHHG-niň Orsýetdäki gysga möhletli synçylar missiýasynyň ýolbaşçysy we ýörite koordinatory Mihael Georg Link žurnalistlere aýtdy.
Orsýetiň Merkezi saýlaw komissiýasy 18-nji martda geçirilen saýlawlarda sesleriň 99.8%-niň sanalmagynyň netijesinde Putiniň 76.7% ses toplandygyny yglan etdi.
ÝHHG-niň resmisi ses berişligiň Merkezi saýlaw komissiýasy tarapyndan guramaçylykly geçirilendigini belledi.