ÝB Günorta Ossetiýadaky ýagdaýlaryň ‘çynlakaý aladalanma’ döredýändigini aýdýar
Ýewropa Bileleşiginiň daşary syýasat boýunça başlygy Federika Mogerininiň metbugat wekili Maýa Koçiýançiçiň 25-nji fewralda ýaýradan beýanatynda, ÝB-niň Arçil Tatunaşwiliniň ölümi bilen ilteşikli derňewlere goldaw bermäge taýýardygy aýdylýar.
Russiýa tarapyndan goldanylýan separatist regiondaky häkimiýetler 35 ýaşyndaky Tatunaşwiliniň ýürek näsazlygy sebäpli 22-nji fewralda türmede aradan çykandygyny aýdypdylar.
Gürjüstanyň resmileri we Tatunaşwiliniň dogan-garyndaşlary onuň jesediniň Tbiliside medisina derňewinden geçirilmegini talap edýärler.