Latwiýanyň Merkezi bankynyň gubernatory tussag edildi
Latwiýanyň premýer-ministriniň edarasy ýurduň korrupsiýa garşy agentliginiň Merkezi bankyň gubernatory Ilmars Rimseviksi tussag edendigini aýdýar.
Premýer-ministr Maris Kucinskisiň edarasy bu habary 18-nji fewraldaky beýanatynda, Rimseviksiň edarasynda we emläginde barlag-agtaryş işleriniň geçirilendigi baradaky habarlardan soň yglan etdi.
Latwiýanyň döwlet telewideniýesi LTV milli korrupsiýa garşy agentligiň (KNAB) Rimseviksiň ofisine we emlägine 16-njy fewralda reýd geçirendigini habar berdi.
Premýer-ministriň edarasy 19-njy fewralda Ministrler kabinetiniň mejlisini geçirip, bu ýagdaýy analizlejekdigini aýtdy.