Шавкат Мирзиёев дар сафараш ба Тоҷикистон аз Хуҷанд боздид мекунад
Ба навиштаи ин хабаргузорӣ, раиси ҷумҳури Узбекистон дар ҷараёни боздидаш аз Тоҷикистон аз шаҳри Хуҷанд низ дидан мекунад. Манбаъ мегӯяд, Шавкат Мирзиёевро дар Хуҷанд раиси ҷумҳури Тоҷикистон Эмомалӣ Раҳмон ҳамроҳӣ хоҳад кард.
Дар назар аст, ки дар ҷараёни сафари Мирзиёев ба Тоҷикистон чандин созишнома миёни Душанбе ва Тошканд имзо шавад. Ба ҳамин тартиб дар давраи раёсатҷумҳурияш ин бори чаҳорум мешавад, ки президенти Узбекистон аз Тоҷикистон дидан мекунад.
Нахустин сафари президенти Узбекистон Шавкат Мирзиёев ба Душанбе 9-уми марти соли 2018 сурат гирифт ва оғози давраи нави ҳамкориҳои миёни Узбекистон ва Тоҷикистон дониста шуд