Новости за 17.08.2021

Амруллоҳ Солеҳ, муовини аввали Ашраф Ғанӣ, мегӯяд, бар асоси Қонуни асосӣ ӯ иҷрокунанда ё сарпарасти вазифаи президенти Афғонистон аст.

Темур Зулфиқоров, нависандаи машҳури русзабони Тоҷикистон, 85-сола шуд. Ҳоло ӯ дар деҳаи Зимчируди ноҳияи Варзоб машғули иншои асарҳои нав аст.

Темур Зулфиқоров, нависандаи машҳури русзабони Тоҷикистон, 85-сола шуд. Ҳоло ӯ дар деҳаи Зимчируди ноҳияи Варзоб машғули иншои асарҳои нав аст. Ҳарчанд беш аз панҷоҳ соли умрро дар Маскав гузарондааст, мегӯяд, акнун ба орзуи деринааш – зиндагӣ дар оғӯши кӯҳҳои баланду хомӯш – расид.

Эълони арзиши хидмати алтернативӣ дар Тоҷикистон, ки 25 ҳазору 200 сомонӣ (муодили беш аз 2 ҳазор доллар) муайян шудааст, вокунишҳои гуногунро ба вуҷуд овард.

Сафири Русия дар Афғонистон Дмитрий Жирнов дар пахши зиндаи радиои "Эхо Москви" гуфт, ки "аҳвол дар Кобул бо толибони террорист беҳтар аст", назар ба ончӣ дар давраи президент Ашраф Ғанӣ буд.

Ширкати "Қумтор Голд Компанӣ"-и Қирғизистон 16-уми август бо нашри изҳороте гуфт, "дар вазъияти амну устувор ва бо тамоми иқтидор фаъолият мекунад".

Ҳиндустон рӯзи 17-уми август сафораташро дар шаҳри Кобул холӣ кард. Намояндагиҳои дипломатии Русияву Чин ва Покистон айни ҳол фаъоланд.

Мақомоти шаҳри Чимкенти Қазоқистон мактаби рақами 120-ро дар маҳаллаи "Тоғус", ки барои гурезаҳои афғон ҳамчун паноҳгоҳи муваққатӣ омода шуда буд, "ба ҳолати аввалаш баргардонданд".

Гурӯҳи "Толибон" рӯзи сешанбе эълон кард, ки ҳама кормандони идораҳои давлатиро дар Афғонистон мавриди "афви умумӣ" қарор додааст.

Додгоҳе дар шаҳри Кӯлоб баҳси манзилеро, ки аз падар мерос монда буд ба фоидаи духтарбузургаш ҳал кард. Зулқадамоҳ Абдураҳмонова завҷаи Мурод Кавгаков, ки фавтидаву аз ӯ хона мерос монда буд, ҳамакнун бо чор тифл дар кӯча мондаасту сарпаноҳе надорад.

Рӯзи якшанбе дар рӯ ба рӯи Қасри сафед афғонҳои муқими ИМА гирдиҳамоӣ доир намуда, талаб карданд, ки Вашингтон ишғоли Кобул аз тарафи Толибонро маҳкум кунад.

Маркази ҳуқуқи инсон – "Мемориал" – дар Маскав хабар дод, ки шумораи маҳбусони сиёсӣ дар Русия ба 410 нафар расидааст. Ин рақам дар оғози имсол ба 349 кас баробар буд.

Хидмати алтернативӣ 25200 сомонӣ. Назари тарафдорону мухолифини ин иқдом.

Намояндагони Тоҷикистону Қирғизистон рӯзи 16-уми август дар марзи ду кишвар бо ҳам дидору гуфтугӯ кардаанд.

Ҳаракати "Толибон" бо ваъдаи афви сартосарӣ аз тамоми кормандони ниҳодҳои давлатии Афғонистон даъват кардааст, ба маҳалли корашон баргарданд. Дар ин бора AFP бо истинод ба изҳороти намояндагони ҳаракат хабар додааст.

Баъд аз афзоиши нархи газу бензин дар Тоҷикистон, арзиши хадамоти таксӣ дар Душанбе ва гӯшаҳои дигари кишвар боло рафта, боис ба нигаронии мардум шудааст. Барои мисол, нархи "таксии мардумӣ" дар пойтахт, ки пештар 5 сомонӣ буд, ҳоло 7 сомонист.

Нархи таксиҳои ба қавли мардум "5 сомонӣ" дар Душанбе гарон шуда, 6-7 сомонӣ шудааст. Ронандагон гароншавии нархи маводи сӯхтро сабаб пеш меоранд Ақидаи дигар ҳам ҳаст.

Пас аз он ки гурӯҳи "Толибон" дигарбора назорат бар Афғонистонро ба даст гирифтанд, бисёриҳо аз чигунагии бархӯрди онҳо бо расонаҳо ва хабарнигорони он кишвар нигаронанд. Расонаҳое, ки баҳсҳои тунду сиёсии онҳо дар Тоҷикистон ва кишварҳои дигар ҳамчун намунаи хуби озодии баён муаррифӣ мешуд.

Сардори Идораи кор бо гурезаҳои Вазорати тандурустии Қирғизистон Жипара Мамбетова гуфт, то ҳол ягон шаҳрванди Афғонистон аз ин кишвар дархости паноҳандагӣ накардааст.

Бозиҳои даври 15-уми мусобиқаи қаҳрамонии футболи Тоҷикистон миёни дастаҳои лигаи олӣ рӯзҳои 14-15-уми август баргузор шуданд. Пешсафи ҷадвали мусобиқа - «Хуҷанд»-и шаҳри Хуҷанд – бозиро дар майдони худ бо «Равшан»-и Кӯлоб бо ҳисоби 0:0 анҷом дод. Дар бозии дигар «Истиқлол»-и Душанбе бар дастаи меҳмон - «Хатлон»-и Бохтар - бо ҳисоби бузурги 6:0 пирӯз шуд. «Истаравшан»-и шаҳри Истаравшан дар сафар «Файзканд»-и Восеъро бо ҳисоби 2:1 шикаст дод. «Эсхата»-и Хуҷанд дар майдони худ бар «Кӯктош»-и ноҳияи Рӯдакӣ бо ҳисоби 3:1 ғолиб омад. Читать дальше...

Мақомоти Русия тасмим доранд, аз 27-уми август парвози мунтазами ҳавопаймоҳоро бо Куриёи Ҷанубӣ ва Чехия аз сар гирифта, теъдоди парвозҳоро бо Маҷористон, Миср, Қибрис, Қирғизистон ва Тоҷикистон бештар кунанд.

Мақомоти Тоҷикистон хабар доданд, ки якҷо бо намояндагони Чин "мубориза ба зидди терроризмро дар шароити кӯҳсор" тамрин мекунанд.

Ҳудуди 50 сокини ноҳияи Олмалиқи вилояти Тошканди Узбекистон баъди истеъмоли яхмос заҳролуд шудаанд. Ин хабарро 16-уми август дар ҳукумати Олмалиқ тасдиқ карданд. Бино ба иттилои расмӣ, 36 сокини Олмалиқ бо нишонаҳои заҳролудшавӣ ба беморхонаи касалиҳои сияротии ноҳия интиқол ёфтаанд. Рӯзи 15-уми август вазъи 31 тани онҳо беҳбуд ёфта, аз беморхона рухсат шудаанд. Панҷ тани дигар табобатро идома медиҳанд. Вазъи онҳо муътадил арзёбӣ мешавад. Ба ҷуз ин, 13 сокини дигари ноҳия, ки онҳо низ аз яхмос заҳролуд шуда буданд... Читать дальше...

Сокинони Туркманистонро дар рӯзи сафари президенти ин кишвар Қурбонгулӣ Бердимуҳаммадов ба шаҳри Туркманбошӣ нагузоштанд, ки пушти дари фурӯшгоҳҳо барои хариди маводи ғизоӣ навбат поянд. Намояндагони мақомоти маҳаллӣ сокинонро аз роҳ баргардонида, мегуфтанд, ки "президент дар шаҳр аст": "Ҷамъ шудани сокинон дар пушти дари фурӯшгоҳҳо дар ин вазъият хуб нест. Бигузор президент биравад, баъд дари фурӯшгоҳро боз мекунем". Ба гуфтаи як сокини Туркманбошӣ, шаҳрвандон барои хариди маводи ғизоӣ ҳар рӯз маҷбур ҳастанд, ки ба фурӯшгоҳ раванд. Читать дальше...

Ҷо Байден, раиси ҷумҳурии Амрико, аз берун шудани нерӯҳои кишвараш аз Афғонистон дифоъ кард ва гуфт, ки баъди 20 сол ҷанг вақти рафтан расида буд.