Новости за 10.09.2019

Муниса Ойматова, варзишгари тоҷик, дар мусобиқаи байналмилалии "G1 Beirut Open 2019" оид ба таеквондо (WT) миёни ҷавонон барандаи медали тилло гардид. Дар ин мусобиқаи байналмилалӣ, ки рӯзҳои 6-8-уми сентябр дар шаҳри Бейрути Лубнон баргузор шуд, варзишгарон аз 21 кишвари дунё мувофиқи синну соли худ дар чаҳор гурӯҳ – кӯдакон, наврасон, ҷавонон ва бузургсолон – рақобат карданд. Ба иттилои Федератсияи таеквондо (WT)-и Тоҷикистон, Муниса Ойматова – танҳо варзишгаре буд, ки Тоҷикистонро дар ин мусобиқаи байналмилалӣ намояндагӣ кард. Читать дальше...

Сокинони Кӯлоб ба пешвози Эмомалӣ Раҳмон, президенти кишвар омода мешаванд. Садҳо коргари идораҳои давлатӣ “тарзи дурусти таъзим”-ро машқ мекунанд ва ҳазорон донишҷӯву хонандаи мактаб барои иштирок дар барномаи ҳунарӣ тамрини рақс доранд.

Дар Қазоқистон рӯйхати шаҳрвандони қарздоре, ки ба иллати вазъи бади иқтисодияшон ҳукумат вазифадор аст, қарзҳояшонро баргардонад, афзоиш дода мешавад. Дар ин бора муовини вазири меҳнат ва ҳифзи иҷтимоии Қазоқистон 9-уми сентябр дар як нишасти хабарӣ иттилоъ дод. Ба ин рӯйхат панҷ гуруҳи сокинони Қазоқистон шомил мешаванд: ятимони кулли то 29-сола, дарёфткунандагони кумакҳои иҷтимоӣ, волидони кӯдакони маъюб ва хонаводаҳое, ки ноновари худро аз даст додаанд ё шахсони маъюби аз 18-сола болоро нигоҳубин мекунанд. Читать дальше...

Мақомоти тоҷик мегӯянд, бо фаъол шудани чархаи дуюми нерӯгоҳи Роғун Тоҷикистон метавонад содироти барқро ба хориҷа зиёд кунад. Ин дар ҳолест, ки мардуми қаторӣ умедвори коҳиши нархи барқ ва комилан аз байн рафтани реҷаи фасли зимистон аст.

Дар Қирғизистон хонандагони деҳаи Кенеши вилояти Норинро, ки соли хонишро дар контейнерҳо оғоз карданд, то фарорасии фасли сармо ба ҷои дигар мекӯчонанд. Дар ин бора муовини сарвазири Қирғизистон Олтиной Омурбекова иттилоъ дод. "Ҳамчунин рӯзҳои наздик сохтмони бинои нави мактаби деҳаи Кенеш оғоз хоҳад шуд. Бояд гуфт, ки мактаби деҳаи Кенеш ду бино дорад. Яке аз онҳо садамавӣ буда, дар дигарӣ кудакон таҳсилро идома медиҳанд", - иқтибос овардааст дафтари матбуотии ҳукумати Қирғизистон аз суханони Омурбекова. Читать дальше...

Доналд Трамп, раисҷумҳури Амрико дар шарҳи бекор кардани музокироти сулҳ бо гуруҳи Толибон гуфт, ин кор тасмими худи ӯ буд. Трамп гуфт, "то онҷо, ки ба ман марбут мешавад, музокирот мурда аст."

ИМА соли 2017 яке аз гумоштаҳои муҳими худро дар ҳукумати Русия пинҳонӣ аз он кишвар берун бурдааст. Телевизиони CNN дар ин бора бо истинод ба чандин манбаи огоҳ дар маъмурияти президент Доналд Трамп иттилоъ дод. Ба гуфтаи як манбаъ, тасмими ихроҷи гумоштаи ИМА аз Русия ба далели адами эътимод ба касбияти атрофиёни Трамп ҳангоми кор бо маводи махфӣ гирифта шудааст. CNN мегӯяд, хатари ифшо шудани ҷосуси амрикоӣ дар долонҳои ҳукумати Русия ба миён омада буд ва бинобар ин, ӯро аз он кишвар берун бурданд. Читать дальше...

Нахустин электробус, ки оғози моҳи сентябр ба шаҳри Тошканди Узбекистон оварда шуда буд, рӯзи шанбеи гузашта дар кӯчаҳои шаҳр ба гардиш даромад. Ба иттилои мақомот, автобуси санҷишӣ рӯзи 7-уми сентябр ба гардиш даромад. Vitovt Electro E420 бо низоми захирасозии энержӣ муҷаҳҳаз аст, ки гардиши нақлиётро давоми 21-25 км таъмин мекунад. Электробус давоми 6-8 дақиқа нерӯ мегирад. Ғунҷоиши ин нақлиёт аз 90 мусофир иборат аст. Электробуси Е420 "Витовт Электро" аз сӯи ширкати "Белкоммунмаш"-и Белорус истеҳсол шудааст.

Чанд ширкати истеҳсолкунандаи орди Қазоқистон тиҷораташонро ба Узбекистон кӯчониданд. Дар ин бора расонаҳои Қазоқистон рӯзи 7-уми сентябр хабар доданд. Барои соҳибкорон дар Узбекистон шароити беҳтар фароҳам шудааст ва ба ин далел, ширкатҳо ба он ҷо кӯч бастаанд. Дос-Мукасан Таукебоев, мудири ширкати "Mutlu"-и Қарағандаи Қазоқистон мегӯяд, дар кишвараш барномаҳои самараноки ҳимоят аз истеҳсолгарони орд мавҷуд нест. "Президенти Узбекистон ширкатҳои истеҳсолкунандаи ордро барои 5 сол аз андоз озод кардааст. Читать дальше...

Малика Елизавета II 9-уми сентябр қонунеро имзо кард, ки бурунрафти Бритониё аз Иттиҳоди Аврупо (ИА)-ро бе созиш ё розигии вакилони порлумон манъ мекунад. Ин қонун ҳукумати Бритониёро вазифадор мекунад, ки 18-уми октябри соли равон дар ҷаласаи Шӯрои Аврупо талош кунад, бо ИА ба созиш бирасад. Ба иттилои хабаргузории Reuters, дар сурати рад шудани дархост аз сӯи Брюссел сарвазири Бритониё вазифадор аст, ки таъхири бурунрафт аз иттиҳодро то ба 31-уми январи соли 2020 хостор шавад. Бритониё дар аввал тасмим дошт... Читать дальше...

Пулиси Душанбе ба таҳқиқи садамаи маргборе дар маркази пойтахт шуруъ кардааст, ки ҷони ду наврасро гирифт. Ҳодиса шаби 8 ба 9-уми сентябр дар назди Кохи Борбад рух додааст.