10 ҳазор узбекистонӣ шаҳрвандии Русияро пазируфтанд
Радиои Озодлик рӯзи 20 сентябр бо такя ба сомонаи Вазорати умури дохилии Русия гуфт, аз моҳи январ то моҳи июни соли равон беш аз 2,2 миллион шаҳрванди узбекистон дар Русия дар қайди муҳоҷират гузошта шудаанд.
Дар ҳамин давра дар Русия беш аз 1,1 миллион узбекистонӣ кор карда, ҳудуди 10 ҳазор нафар ба омӯзиш дар муассисаҳои таълимӣ машғул буданд ва танҳо 4 ҳазор кас ҳамчун сайёҳ рафтаанд.
Мақомоти рус мегӯянд, шумори узбекистониҳое, ки шаҳрвандии Русияро қабул мекунанд, меафзояд. Агар соли 2012 шаҳрвандии Русияро 13 ҳазору 400 узбекистонӣ қабул карда бошанд, дар соли 2017 шумори онҳо ба 23 ҳазору 300 нафар расидааст.
Бино ба иттилои расмӣ, узбекистон ба рӯйхати кишварҳои панҷгонае шомил аст, ки сокинонашон бештар шаҳрвандии Русияро қабул мекунанд.
Ба рӯйхати кишварҳои чоргона Украина (85,1 ҳазор), Қазоқистон (40,7 ҳазор), Тоҷикистон (29 ҳазор) ва Арманистон (25,1 ҳазор) шомиланд.