Жандармҳо дар Бухарест хабарнигори "Deutsche Welle"-ро заданд
Ба гуфтаи хабарнигор, ӯ рӯзи ҷумъаи 10 август тазоҳруотро дар майдони "Ғалаба" пайгирӣ мекард, ки жандармҳо нахуст ба ӯ ҷанҷоли лафзӣ ва сипас бо чубдаст ҳамла карданд. Хабарнигор дар либосаш шаҳодатномаи рӯзноманигорӣ насб карда буд ва бамаротиб гуфт, ки ӯ журналист аст. Кристиан Штефанску аз рӯи ин ҳодиса ва осеби ҷисмонӣ ба додситонии Бухарест шикоят бурд.
Охири ҳафтаи гузашта даҳҳо ҳазор нафар дар Бухарест ва шаҳрҳои дигар ва ҳамчунин ҷомеаҳои руминҳо дар хориҷи кишвар, аз мақомот талаб карданд, ки ба коррупция хотима гузоранд. Дар ин эътирозҳо пулис аз нерӯ истифода кард ва беш аз 400 нафар ҷароҳатҳои мухталиф бардоштанд, ки дар байни онҳо ходимони пулис низ буданд.
Феълан додситонии Румияния дар робита ба ин таҳаввулот фаъолияти пулисро баррасӣ мекунад.