ИМА ба шаҳрвандонаш: вақти сафар ба Тоҷикистон аз эҳтиёт кор гиред
Раддаи аввал “Чораҳои оддии бехтарӣ” унвон дорад, ки ба он кишварҳое шомиланд, ки амнияти шаҳрвандон ва сайёҳони хориҷӣ таъмин ҳастанд. Тоҷикистон то ҳодисаи ҳамла ба сайёҳон дар Данғара, ки рӯзи 29 июл рух дода дар натиҷаи он ду сайёҳи амрикоӣ ва ду аврупоӣ кушта шуданд, дар ҳамин раддаи аввали бехатарӣ қарор дошт.
Ҳамакнун Департаменти давлатӣ Тоҷикистонро аз нигоҳи амният ба сайёҳон ба шумори кишварҳое шомил кардааст, ки шаҳрвандонаш ҳангоми сафар ба ин кишварҳо бояд “хеле эҳтиёт кунанд”. Ин машварат аз 3 августи соли ҷорӣ амал мекунад ва зоҳиран панҷ рӯз баъди ҳамла ба сайёҳон дар Данғара нав шудааст. Аз миёни кишварҳои пасошӯравӣ дар ин радда танҳо Украина қарор дорад.
Департаменти давлатии Амрико кишварҳоро аз нигоҳи амният ба сайёҳон ба чор гурӯҳ ё радда тақсим мекунад. Раддаи севвум “Сафарро бозбинӣ кунед” унвон дорад ва дар ин радда низ кишварҳое шомиланд, ки амният ба пуррагӣ таъмин нест.
Ба раддаи чорум кишварҳое шомиланд, ки Амрико сафари шаҳрвандонаш ба ин кишварҳоро аслан тавсия намедиҳад. Дар ин гурӯҳ кишварҳое ноамне мисли Сомалӣ ва Афғонистон қарор доранд.