Новости за 07.01.2021

Presidenti i zgjedhur amerikan, Joe Biden ka kritikuar të enjten presidentin, Donald Trump, teksa i ka përshkruar protestat e 6 janarit në Kongres  si një nga ditët “më të errëta” në historinë amerikane. Më 6 janar, protestues të dhunshëm, mbështetës të Trumpit, u futën në ndërtesën e Kongresit, ku po mbahej mbledhja e përbashkët për konfirmimin e fitores së Bidenit në zgjedhjet presidenciale të 3 nëntorit, 2020.   “Ai ndërmori një sulm ndaj institucioneve të demokracisë sonë që prej fillimit”... Читать дальше...

Forca e Sigurisë së Kosovës, pritet që në mars 2021, të zbarkojë në misionin e parë paqeruajtës, që nga shndërrimi i saj në ushtri në dhjetor të vitit 2018. Kontingjenti i ushtarëve të Kosovës do të jetë pjesë e misionit të Gardës Kombëtare të Ajovas të Ushtrisë amerikane dhe destinacion i parë pritet të jetë Kuvajti. Komandanti i FSK-së, gjenerallejtënant Rrahman Rama ka zbuluar më 6 janar se në shqyrtim janë dy vende. “Për vende, i kemi dy opsione, Kuvajtin dhe Irakun, por presim që shumë shpejt ta konfirmojmë këtë. Читать дальше...

Programi COVAX i Organizatës Botërore të Shëndetësisë do të nisë shpërndarjen e vaksinave kundër koronavirusit gjatë këtij muaji, tha drejtoresha e OBSH-së për imunizim, Kate O’Brien. Programi COVAX ka për qëllim që të furnizojë me vaksina kundër sëmundjes COVID-19, vendet me të ardhura të ulëta. “Ne na duhen rreth shtatë miliardë dollarë në mënyrë që të mund të shpërndajmë vaksina të mjaftueshme në këto vende, deri në fund të vitit 2021. Deri më tani janë mbledhur 6 miliardë dollarë”, tha ajo. Читать дальше...

Platformat Facebook dhe Instagram do të zgjasin ndalesën ndaj llogarive të presidentit aktual amerikan, Donald Trump për të paktën edhe dy javë të tjera, derisa të përfundojë procesi i transferimit të pushtetit, tha shefi ekzekutiv i këtyre kompanive, Mark Zuckerberg. Zuckerberg nuk e përjashtoi mundësinë që llogaritë e Trumpit të mbyllen përgjithmonë. “Ngjarjet shokuese në 24 orët e fundit, demonstrojnë se presidenti Donald Trump ka për qëllim që ta shfrytëzojë kohën që i ka mbetur deri në fund të mandatit... Читать дальше...

Protestat e dhunshme dhe sulmi në Kongresin e Shteteve të Bashkuara ka shokuar shumë liderë dhe qytetarë në gjithë botën. Përgatiti: Taulant Qenaj dhe Arben Hoti

Kryetarja e Dhomës së Përfaqësuesve, demokratja, Nancy Pelosi bëri thirrje që presidenti Donald Trump të largohet menjëherë nga zyra, përmes aktivizimit të amendamentit të 25-të të Kushtetutës, një ditë pasi protestuesit e dhunshëm, mbështetës të Trumpit, sulmuan Kongresin amerikan. "Dje, presidenti i Shteteve të Bashkuara nxiti kryengritje të armatosur kundër Amerikës", tha Pelosi për gazetarët në Uashington, duke shtuar se presidenti Trump ka kryer "akt të kryengritjes". Ajo tha se demokratët... Читать дальше...

Punëtorët në Maqedoninë e Veriut gjatë pandemisë ankohen së punëdhënësit, veçanërisht ata në sektorin privat, shkelin të drejtat e tyre kur bëhet fjalë për respektimin e masave të qeverisë për frenimin e koronavirusit.  Në adresë të Inspektoratit Shtetëror të Punës, që nga fillimi i pandemisë nga marsi deri më 18 dhjetor të vitit 2020, kanë arritur 5 mijë e 594 parashtresa, prej të cilave 3 mijë e 583 kanë të bëjnë me mosrespektimin e masave të aplikuara nga Qeveria e Maqedonisë së Veriut me qëllim,  frenimin e koronavirusit. Читать дальше...

Besimtarët ortodoksë më 6 dhe 7 janar kanë shënuar Krishtlindjen Ortodokse. Kësaj radhe, festa ka qenë më ndryshe për shkak të pandemisë së koronavirusit.

Komisioni Qendror i Zgjedhjeve ka vendosur që për zgjedhjet e parakohshme parlamentare të 14 shkurtit, partitë politike do të kenë dhjetë ditë në dispozicion për të bërë fushatë. Në mbledhjen e mbajtur sot, KQZ-ja vendosi që fushata për zgjedhjet të nisë më 3 shkurt dhe të përfundojë më 12 shkurt, 2021. Po ashtu, në këtë mbledhje u vendos që aplikimi i subjekteve dhe kandidatëve për deputetë për zgjedhjet e parakohshme, të nisë më 8 janar dhe të përfundojë më 16 janar. Ndërkaq, tërheqja e shortit... Читать дальше...

Një numër i madh i bombolave të gazit që përdoren nga amvisëritë, gastronomia si dhe një pjesë e industrisë, nuk kalojën nëpër faza testuese gjë që shpesh ka shkaktuar incidente në Kosovë. Si pasojë e shpërthimit të një bombole gazi, të martën, në qytetin e Ferizajt u lënduan 42 persona, disa prej tyre rëndë. Pesë po trajtohen në repartin intensiv në QKUK. Duke iu referuar këtij incidenti Radio Evropa e Lirë ka kontaktuar zyrtarët e Ministrisë së Tregtisë dhe Industrisë për të ditur nëse kryhen... Читать дальше...

Kancelarja gjermane, Angela Merkel tha se ishte e “zemëruar dhe e trishtuar” nga protestat e dhunshme në Kongresin amerikan. “Rregull thelbësor në demokraci është që, pas zgjedhjeve, ka fitues dhe humbës. Që të dyja palët duhet të luajnë rolin e tyre me mirësjellje dhe përgjegjësi, në mënyrë që demokracia të fitojë. Presidenti (aktual amerikan, Donald) Trump fatkeqësisht nuk ka pranuar humbjen që prej zgjedhjeve të nëntorit, e as dje (më 6 janar) nuk e bëri një gjë të tillë”, tha Merkel para ligjvënësve gjermanë. Читать дальше...

Instituti Kombëtar i Shëndetësisë Publike (IKSHPK) njofton se në Kosovë gjashtë pacientë të infektuar me koronavirus kanë ndërruar jetë, ndërkaq në 24 orëshin e fundit janë regjistruar edhe 309  raste me COVID-19, sëmundjen që e shkakton ky virus. "Rastet e vdekjes janë nga komunat: Istog 2 raste (80, 66 vjeç), Ferizaj 1 rast (88 vjeç), Kamenicë 1 rast (58 vjeç), Prishtinë 1 rast (84 vjeç), Prizren 1 rast (86 vjeç)", thuhet në njoftim. Rastet e reja me COVID-19 dalin pas testimit të 1.417 mostrave. Читать дальше...

Bashkimi Evropian pret që zgjedhjet e parakohshme parlamentare në Kosovë, të caktuara për 14 shkurt, të zhvillohen sipas standardeve evropiane. Zëdhënësja e Komisionit Evropian për zgjerim dhe fqinjësi, Ana Pisonero, tha se zgjedhjet në Kosovë duhet të jenë transparente dhe gjithëpërfshirëse. “Ne marrim në dijeni shpalljen e zgjedhjeve parlamentare në Kosovë më 14 shkurt. Bashkimi Evropian pret zgjedhje kredibile, transparente dhe gjithëpërfshirëse në Kosovë, të zhvilluara në përputhje me standardet evropiane... Читать дальше...

Dega për Evropë e Organizatës Botërore të Shëndetësisë tha të enjten se duhet të bëhet më shumë, pas situatës “alarmante”, për shkak të përhapjes së variantit të ri, të zbuluar së fundmi, të koronavirusit. Duke folur në një konferencë për media, drejtori për Evropë i OBSH-së, Hans Kluge, tha se situata aktuale “pikë kthese e pandemisë”, teksa Evropa po përballet edhe me rritjen e rasteve të reja, por edhe me rastet me variantin e ri të COVID-19, sëmundjen që e shkakton koronavirusi. “Kjo është situatë alarmante... Читать дальше...

Protestues të dhunshëm, përkrahës të presidentit Donald Trump, kanë shkatërruar kamera dhe pajisje tjera të shumë gazetarëve që po filmonin protestat e dhunshme të mërkurën brenda dhe jashtë Kongresit amerikan. Trump i ka sulmuar vazhdimisht mediat gjatë mandatit të tij katërvjeçar duke i quajtur Fake News (Lajme të Rreme). Përgatiti: Arben Hoti

Lideri i Lëvizjes Vetëvendosje, Albin Kurti thotë se aktgjykimi i plotë i Gjykatës Kushtetuese vërtetoi se Qeveria e Kosovës, e udhëhequr nga Avdullah Hoti ka qenë e “paligjshme, jokushtetuese”. “Kemi humbur shumë vite, jo vetëm muaj. Këto zgjedhje nuk janë të parakohshme por të vonuara”, shkroi Kurti në një postim në Facebook. Pas publikimit të aktgjykimit, të mërkurën, ushtruesja e detyrës së presidentit, Vjosa Osmani shpërndau kuvendin dhe shpalli datën e zgjedhjeve për 14 shkurt. Në postimin e tij... Читать дальше...

Një urdhër-arrest është lëshuar të enjten ndaj presidentit aktual të Shteteve të Bashkuara, Donald Trump lidhur me vrasjen e një gjenerali iranian dhe një lideri të milicisë irakiane vitin e kaluar, thanë autoritetet gjyqësore irakiane. Urdhër-arresti u lëshua nga një gjykatës në Bagdad, ku po hetohet sulmi me dron i Shteteve të Bashkuara, që la të vrarë gjeneralin Qassim Soleimani dhe Abu Mahdi al-Muhandis, tha gjykata irakiane. Ata u vranë në sulmin që u krye janarin e vitit të kaluar në aeroportin e Bagdadit, raporton AP. Читать дальше...

Presidenti i SHBA-së, Donald Trump, tha të enjten se do të ketë një tranzicion të rregullt kur Joe Biden të inagurohet si president më 20 janar. "Edhe pse nuk jam plotësisht dakord me rezultatin e zgjedhjeve, megjithatë do të ketë një tranzicion të rregullt në 20 Janar," tha Trump në një deklaratë të postuar në Twitter nga zëdhënësi i Shtëpisë së Bardhë, Dan Scavino. Deklarata e Trumpit u bë pasi Kongresi certifikoi mbi 270 vota të Kolegjit Elektoral, ndërsa 270 është minimumi i nevojshëm. ... Читать дальше...

Hyrja e dhunshme e mbështetësve të presidentit Donald Trump në ndërtesën e Kongresit të mërkurën, ka nxitur zëra të disa ligjvënësve për ta larguar atë nga zyra para se presidenti i zgjedhur, Joe Biden, të bëjë betimin më 20 janar. Skenat kaotike në Kongres u zhvilluan pasi republikani Trump, i cili po refuzon që të angazhohet në proces paqësor të transferimit të pushtetit, iu drejtua mijëra protestuesve duke përsëritur pretendimet e pabazuara se atij i janë vjedhur zgjedhjet. Sipas Reutersit... Читать дальше...

Kongresi amerikan ka certifikuar Joe Biden dhe Kamala Harris si presidentin dhe nënpresidenten e ardhshme të SHBA-së. Ligjvënësit konfirmuan se Biden fitoi 306 vota të Kolegjit Zgjedhor, krahasuar me 232 vota për presidentin aktual, Donald Trump. Votat elektorale u miratuan pasi Senati dhe Dhoma e Përfaqësuesve refuzuan kundërshtimet e republikanëve ndaj votave në shtetet e Pensilvanisë dhe Arizonës. Certifikimi i votave të Kolegjit Elektoral nga ana e Kongresit amerikan është hapi i fundit në procesin zgjedhor... Читать дальше...

Policia e Uashingtonit thotë se katër njerëz kanë vdekur gjatë sulmit në ndërtesën e Kongresit. Përveç një gruaje të qëlluar nga policia, tre të tjerë vdiqën si rezultat i "urgjencave mjekësore". Deri më tani, më shumë se 52 persona janë arrestuar - 47 prej tyre për shkelje të rregullave të izolimit. Mediat amerikane po raportojnë se gruaja që u qëllua dhe u vra gjatë sulmit në Kongres ishte një veterane e Forcave Ajrore të SHBA-së. Ajo mendohet të jetë qëlluar pasi hyri në ndërtesë së bashku me protestuesit e tjerë. Читать дальше...

Një ditë e dhunës dhe e kaosit në Kongresin amerikan e la Amerikën të lëkundur, ndërsa politikanët në të gjithë botën të tronditur dhe të shqetësuar. Në një skenë të paparë në historinë moderne të SHBA-së, mbështetës të presidentit në largim, Donald Trump, sulmuan dhunshëm ndërtesën e Kongresit, në përpjekje për të zhbërë fitoren e presidentit të zgjedhur, Joe Biden. Ligjvënësit u evakuuan, një person u qëllua dhe vdiq. Raportet e mediave lokale thanë se gruaja që u qëllua, u dërgua me urgjencë në spital... Читать дальше...

Ligjvënësit amerikanë rifilluan debatin dhe u zotuan se do ta bëjnë certifikimin e rezultatit të zgjedhjeve të nëntorit, pasi mbështetës të presidentit në largim, Donald Trump, e ndërprenë dhunshëm senacën e Kongresit. “Për ata që bënë kërdi në Kongresin tonë sot: Ju nuk keni fituar. Le t’i kthehemi punës”, tha nënpresidenti Mike Pence. “Ne do ta certifikojmë fituesin e zgjedhjeve të vitit 2020”, shtoi udhëheqësi republikan i Senait, Mitch McConnell. Kongresi është shpallur "i sigurt" rreth katër orë pasi filloi kaosi. Читать дальше...

Ish-presidenti i Shteteve të Bashkuara, Barack Obama, tha se historia do ta mbajë në mend sulmin e sotëm në Kongres si një “një moment të çnderimit dhe turpit të madh për kombin tonë”. Obama tha se sulmi është nxitur nga “një president, i cili vazhdon të gënjejë për rezultatin e zgjedhjeve të ligjshme”. “Por, ne do të talleshim me veten nëse do ta trajtonim atë si befasi totale”, tha Obama, për të shtuar se rrëfimet e republikanëve i kanë çorientuar ndjekësit e tyre, në lidhje me të vërtetën e zgjedhjeve të 3 nëntorit. Читать дальше...

Ish-presidenti i Shteteve të Bashkuara, George W. Bush, lëshoi një deklaratë për “skenat e kaosit” në ndërtesën e Kongresit amerikan. “Janë pamje të sëmura dhe pikëlluese”. “Rezultatet e zgjedhjeve kontestohen kështu në një banana-republikë, jo në republikën tonë demokratike”, tha Bush. Ai tha se është “i tmerruar nga sjellja e pamatur e disa udhëheqësve politikë”, qysh nga zgjedhjet presidenciale të 3 nëntorit, por nuk e përmendi në emër presidentin aktual, Donald Trump, e as mbështetësit e tij. Читать дальше...