کرکټ؛ افغانستان له عربي متحده اماراتو سره سیالۍ کوي
په دې لوبلړۍ کې دوه نا رسمي یو ورځنۍ او درې شل اوریزې سیالۍ شاملې دي.
دا سیالۍ به د ډسمبر په ۲۵مه نېټه پيل شي او د نوي زیږدیز کال تر ۲یمې نیټې پورې به دوام وکړي.
افغان لوبډله به د ډسمبر په ۲۵مه او ۲۷مه نېټه لومړۍ له اماراتو سره دوه تمریناتي یو ورځنۍ سیالۍ ترسره کړي او بیا به د ډسمبر په ۲۹مه، ۳۱مه او د ۲۰۲۴ زیږدیز کال د جنورۍ په دویمه نېټه درې شل اوریزې سیالي ولوبوي.
کرکټ بورډ وايي، دغه سیالۍ د هغه هوکړه لیک له مخې ترسره کېږي چې تېر کال د افغانستان کرکټ بورډ او متحده عربي اماراتو د کرکټ ادارې ترمنځ لاسلیک شوی و.
د ویلو ده چې روان کال د دواړو هېوادونو ترمنځ د شل اوریزو سیالیو لومړنۍ لوبلړۍ افغانستان دوه د یو پر وړاندې ګټلې وه.