د افغان فلم د کارکوونکو د ژوند نیمګړی فلم؛ 'دوی اوس نهشته چې وشرمېږي'
نوموړې ازادي راډیو ته ویلي چې طیبه موسوي او فاطمه محمدي په دې وروستیو کې به افغان فلم کې په دنده وګمارل شوې او د افغانستان د افسانو په انیمېشن پروژهیې کار کاوه.
دې دوه نجونو په افغان فلم کې د دندې ترڅنګ د هنر په برخه کې ماسټري هم کوله.
طیبه او فاطمه په هغه تصویر کې چې همکارانو یې له دوی په موبایل اخیستی او دوی په افغان فلم کې د فلمونو د نندارې د تالار سور فرش جارو کوي څو د فلم نندارې ته چمتو شي، خو له دې نهدي خبر چې د ژوند د فلم شبېې یې وروستۍ شوي.
دوی خپل مخونه په ټیکریو پټ کړي، خو له دې نهدي خبرې چې دېر ژر بهیې عکسونه په ټولنیزو رسنیو کې په پراخ ډول خپاره شي.
د دوی وېډيويي تصویرونه د افغان فلم رئیسې صحرا کریمي په خپله فېسبوک پاڼه خپاره کړي او لیکلي یې دي: "دوی اوس نهشته چې وشرمېږي او د کمرې مخه ونیسي، وسوځېدې، تکه تکه شوې ... په همدې سادهګۍ سره."
د اغلې کریمي دغه دوه ځوانې همکارانې پرون د کابل په لوېدیځ کې په پرلهپسې دوه چاودنه کې له پنځو نورو کسانو سره ووژل شوې.
دوی چې په کوم موټر کې له دفتره د کور په لور روانې وې، د دشت برچي په سیمه کې پرې چاودنه وشوه.
اغلې کریمي ازادي راډیو ته وویل: "طیبې له یوې نیمې او فاطمې له یوې میاشتې راهیسې دلته کار کاوه، نوې یې یوه پروژه پیل کړې وه. دا پروژه د افغانستان د افسانو د انیمېشن پروژه وه او شپږ برخې یې درلودې. افسانې یې راټولولې او لیکلې. ډېرې ښې او ارامې نجونې وې، په ځانګړي ډول فاطمه ډېره غلې وه."
د طیبې کورنۍ وايي، دا هیلهیې له لاسه ورکړې چې حکومت بهیې د لور وژونکي ونیسي او سزا به ورکړل شي.
د طیبې کاکا محمد ایوب ازادي راډیو ته وویل چې فاطمه او طیبه د کوچني والې ملګرې وې او دواړو په افغان فلم کې د کار ترڅنګ د هنرونو په برخه کې ماسټري کوله.
محمد ایوب زیاته کړه: "طیبه ۱۱ کلنه وه چې پلار یې مړ شو، په ډېرې خوارۍ یې کابل پوهنتون کې زدهکړې وکړې، اوسیې ماسټري کوله. د افغان فلم کارکوونکې وه، خو په ټونس موټر چاودنه کې ووژل شوه."
د محمد ایوب په خبره، طیبې د پلار تر مرګ وروسته له خپلې مور او دوو وړو خویندو وروڼو سره یوځای د کابل په لوېدیځ کې ژوند کاوه او د دوی سرپرستي یې کوله.
د طیبې موسوي او فاطمې محمدي مړي ورک وو، خو وروسته د کابل په عدلي طب کې وپېژندل شول.
د فاطمې محمدي نامزاد ابو افضل وارسته په خپله فېسبوک پاڼه لیکلي: "د عدلي طب تر پېژندنې وروسته د شهیدې فاطمې محمدي او طیبې موسوي مړي، ګرانې مېرمنې یوازې دې پرېښودم!"
د طیبې کاکا محمد ایوب وايي، د کابل په لوېدیځ کې پرلهپسې چاودنو له حکومت نهیلی کړی او تمه نهلري چې دې سیمه کې امنیت ټینګ شي.
په داسې حال کې چې د کابل په ګډون په دې وروستیو کې د افغانستان په بېلابېلو برخو کې تاوتریخوالی زیات شوی، د کابل په لوېدیخ کې پرلهپسې څو خونړیو پېښو ګڼې نیوکې راولاړې کړي، ځینو دغه بریدونه هدفي ګڼلي او د هزارهګانو د نسلوژنې نومیې ورکړی او د دا شان بریدونو د درولو لپارهیې کمپاین هم پیل کړی دی.
په ورته وخت کې د افغانستان د خلکو وحدت اسلامي ګوند مشر محمد کریم خلیلي د یکشنبې په ورځ په کابل کې ګواښ وکړ، که چېرې وضیعت ښه نهشي، خلک به خپله له ځان نه دفاع ته راپاڅي.
دی وايي: "خلک مهمجبوروئ چې خپله دفاع خپله وکړي، دفاع د هغې ورځې لپاره چې هویتیې له ګواښ سره شي او دا دفاع مشروع دفاع ده."
په ورته وخت کې د جمهور رئیس د دوهم مرستیال سرور دانش د دفتر د عامه اړیکو رئیس محمد هدایت د ښاغلي خلیلي د دې خبرو په ځواب کې ویلي، د کابل د لوېدیځ د امنیت طرحه به ډېر ژر د جمهور رئیس لهخوا لاسلیک او د امنیتي ځواکونو لهخوا به پلې شي.