د افغانستان په اړه د ۲۰۲۰ کال کنفرانس لپاره بحثونه پیل شوي
افغان ولسمشر محمد اشرف غني پرون په دې اړه جوړې شوې غونډې ته په یوې ثبت شوې وینا کې وویل چې دغه کنفرانس به یو ښه فرصت وي چې نړیواله ټولنه یې له افغانستان سره د دوامداره ملاتړ په برخه کې نندارې ته وړاندې کوي.
د افغانستان ۲۰۲۰ کنفرانس د نومبر د میاشتې په ۲۳ او ۲۴ په جینوا کې د ملګروملتونو په مقر کې جوړېږي.
د افغانستان د مالیې وزارت د خبرپاڼې له مخې تمه ده چې نړیواله ټولنه به په دغه کنفرانس کې تر۲۰۲۴ کاله پورې د افغانستان د ثبات لپاره له افغانانو سره خپلې ژمنې تازه کړي.
د افغانستان د ۲۰۲۰ کنفرانس د بدلون د لسیزې د ژمنو یعنې د ۲۰۱۵ او ۲۰۲۰ ترمنځ د دورې وروستی کنفرانس بلل کېږي.