افغان فوټبال لوبډلې د مرکزي اسیا په سیالیو کې جایزه ګټلې
د افغانستان د فوټبال فدراسیون ویاند شفیع شاداب د شنبې په ورځ ازادي راډيو ته وویل چې، د هېواد د ۲۳ کلنو ښځینه فوټبال ملي لوبډلې د مرکزي اسیا د ۲۳ کلنو د فوټبال په دغو لوبو د یوې لوبې په ګټلو سره د یادو سیالیو پنځم مقام يې ترلاسه کړ.
د دغو سیالیو لومړي مقام ازبکستان، دویم ایران، دریم تاجیکستان درېیم، او قیرغیزستان څلورم مقام خپل کړ.
د ترکمنستان د ۲۳ کلنو ښځينه فوټبال لوبډله بیا د ټولو لوبو په بایللو سره په شپږم او وروستي مقام کې وشمېرل شوه.
د یادونې وړ ده، چې په یادو شویو سیالیو کې د افغانستان په استازیتوب، دوه تنو، یاسمین حیدر او فرشتې شیخمیري د لوبڅارې او مرستیالې لوبڅارې په توګه ګډون درلود.