Новости за 13.02.2026

د ملګرو ملتونو امنیت شورا پر افغان طالبانو بندیزونه تمدید کړل. د امریکا ولسمشر یو ځل بیا ایران ته ګواښ کړی چې که تهران د خپل اټومي پروګرام په اړه کومه موافقه ونه کړي نو ډیرې بدې پایلې به ولري، خورا بدې پایلي. څه باندې ۱۵۰ افغان سندرغاړو د پیښور عالي محکمې ته عریضه کړې، چې له پاکستانه د دوی د ایستلو مخه ونیسي. او د فبروري ۱۳مه د راډیو نړیواله ورځ ده. صفي الله ستانکزی دا خبرونه وړاندې کوي

د روغتیا نړیوال سازمان وايی په تیره جنورې میاشت کې افغانستان کې د ځینو مهمو ناروغیو په مواردو کې د پام وړ کموالی ولیدل شو چې سبب یې وقایوي اقدامات او یا د موسم بدلون دی. خو په دی میاشت کې که څه هم د کانګو ناروغۍ حالات نسبت دیسمبر میاشتې ته ډیر وو خو وفیات یې نه درلودل.

امنیت شورا پر افغان طالبانو بندیزونه تمدید کړل. دغې شورا د رایو په اکثریت سره د افغانستان د بندیزونو د څارنې د ټیم ماموریت وغځاوه. امنیت شورا د ۲۰۱۱ کال په جون کې د ۱۹۸۸ بندیزونو لړۍ پيل کړه. په اساس یې له طالبانو سره تړلي خلک، ډلې، شرکتونه او بنسټونه د شتمنیو له کنګلتیا، سفري بندیزونو او د وسلو له ممنوعیت سره مخ دي. په افغانستان کې د ښځو له حقونو څخه سرغړونه په ځانګړي ډول له شپږم ټولګي ورپورته د نجونو د ښوونځیو بندیدل د دغو بندیزونو د ادامې یو اساسي دلیل یادیږي. په ملګرو ملتونو کې د افغانستان د... Читать дальше...

نارسمي پایلې ښيي چې د بنګلادېش ملي ګوند (بي اېن پي) د هېواد په پارلېماني انتخاباتو کې زیاتره څوکۍ ګټلې دي. دا په شاوخوا دوو لسیزو کې لومړی ځل دی چې هغه ګوند د واکمنېدو په درشل کې دی. بي اېن پي طارق رحمان د وزیراعظمۍ څوکۍ ته نومولی دی. په همدې حال کې جماعت اسلامي د فبرورۍ ۱۲مې د انتخاباتو پایلو سموالی تر پوښتنې لاندې راوستی دی. لنډمهالي حکومت پر پخواني واکمن عوامي لیګ بندیز لګولی نو ځکه یې په انتخاباتو کې برخه وانخیستای شوه. پېښور مېشتی خبریال عقیل یوسفزی، چې د بنګلادېش انتخاباتو په اړه د خبریالۍ... Читать дальше...

د پاکستان ایین ساتنې غورځنګ (تحریک تحفظ ایین پاکستان) په نوم د حکومت مخالفو ګوندونو اتحاد د راولپېنډۍ په اډیالې زندان کې د پخواني وزیراعظم عمران خان د "خراب روغتیايي حالت" او له هغه سره پر ملاقاتونو د "بنديز" پرضد د پارلېمان مخې ته د احتجاجي پرلت وهلو اعلان کړی دی.غورځنګ دا اعلان د فبرورۍ پر ۱۲مه تر هغې څو ساعتونه وروسته وکړ چې د پاکستان تحریک انصاف (پي ټي ای) د بنسټګر عمران خان وکیل سلمان صفدر سپریم کورټ ته د نوموړي د روغتیا په اړه راپور وړاندې کړ. په راپور کې راغلي چې د جنورۍ په وروستۍ اونۍ کې... Читать дальше...

بشير باران ځوان افغان شاعر دی چې تر اوسه یې دوه ټولګې خپرې کړې دي. یوشمېر کره کتونکي د هغه پر شاعرۍ نیوکه کوي چې ګواکې سیاسي شاعري کوي خو نوموړی د خپلې شاعرۍ او د خپلې مفکورې کلکه دفاع کوي او وايي، د شاعرۍ پیغام باید څرګند او د شاعر لوری باید معلوم وي. له نوموړي سره بشپړه مرکه واورئ.

د ملګرو ملتونو د بشري چارو د همغږۍ ادارې (اوچا) په افغانستان کې په وروستیو میاشتو کې واورې او بارانونه د دې هېواد اکثرو وچکالۍ ځپلو سیمو ته خورا ګټور بللي ویلي، چې دې اورښتونو ان ډېری سیمې په ځانګړي ډول سویلي او لوېدیځو سیمو کې د وچکالیو وضعیت بدل کړی دی.

نن د فبروري ۱۳ مه، د راډیو نړیواله ورځ  ده. د افغانستان د بېلابېلو ولایتونو یو شمېر اوسېدونکي وايي،  راډیو لا هم د دوی لپاره د خبرونو او ښوونیزو پروګرامونو اساسي سرچینه ده. د افغانستان د خبریالانو مرکز د معلوماتو له مخې، دا مهال په دغه هیواد کې شا او خوا ۲۰۰ راډیويي شبکې فعالیت لري.

د بنګلادېش د پارلېماني انتخاباتو نارسمي پایلې ښيي چې د بنګلادېش ملي ګوند (بي اېن پي) د پارلېمان له اکثریت څوکۍ ګټلې دي.رویټرز اژانس د فبرورۍ پر ۱۳مه د هېواد د انتخاباتي کمېشن په حواله وویل چې بي اېن پي ۱۸۱، جماعت اسلامي ۶۱ او نورو ګوندونو د "جاتیو شونګشود (د ولس کور)" اووه څوکۍ ګټلې دي او ټاکل شوې چې وروستۍ پایلې په راتلونکو څو ساعتونو کې اعلان شي. دا د شاوخوا دوو لسیزو په موده کې لومړی ځل دی چې بي اېن پي دومره زیاتې څوکۍ ګټلې دي او واک ته رسېدو ته نېږدې شوی دی. رویټرز او د فرانسې خبري اژانسونو د... Читать дальше...

له ۱۵۰ څخه زیاتو افغان هنرمندانو د پیښور عالي محکمې ته عریضه کړې، چې له پاکستانه د دوی د ایستلو مخه ونیسي. دوی په خپله عریضه کې، استدلال کړی چې افغانستان ته ستنیدل به د دوی ژوند او معیشت دواړه له خطر سره مخ کړي. دوی وايي چې په افغانستان کې د موسیقۍ اړوند فعالیتونه منع دي او که دوی بیرته ستنیدو ته اړ شي نو دوی له زیاتو خطرونو سره مخ کیږي. دوی ټینګار لري چې شرایط یې د نورو خلکو څخه توپیر لري.

نن د فبروري ۱۳ مه، د راډیو نړیواله ورځ ده. دا ورځ د ملګرو ملتونو د ښوونېز، علمي او کلتوري سازمان (یونسکو) له خوا په ۲۰۱۱ کال کې نومول شوې ده. د ګڼو افغانانو لپاره راډیو لا هم د خبرونو او معلوماتو اساسي سرچینه ده. افغانستان کې لا هم ۲۰۰ راډیوګانې فعالیت کوي. د طالبانو له بیا واکمنېدو وروسته لسګونې راډیوګانې د محدودیتونو او اقتصادي ستونزو له امله بندې شوي.

په اسلام اباد کې په پراخه کچه د ونو وهلو ځینې اوسېدونکي او چاپېریال ساتونکي اندېښمن کړي دي. په هغه ښار کې حکومتي چارواکي د بېخبنا او پوځي څلو جوړولو لپاره ونې وهي. د ځنګلونو د معلوماتو د څار یوه نړیواله اداره وايي چې په تېرو شاوخوا ۱۵ کلونو کې پر ۱۴ هېکټاره ځمکه ولاړې ونې وهل شوې دي. چارواکي دا کار د زردانو د حساسیت (پولن الرجۍ) د ستونزې هواري لپاره اړین بولي. د اې اېف پي له ویډيو جوړ رپورټ.

د طالبانو د بهرنیو چارو وزیر وایي چې د دوی حکومت له تاجکستان سره پراخو او ښو اړیکو ته ژمن دی. امیرخان متقي دا خبره د پنجشنبې په ورځ په کابل کې د تاجکستان له سفیر سعدي شریفې سره د کتنې پرمهال وکړه. د طالبانو د بهرنیو چارو د وزارت د بیان له مخې د تاجکستان سفیر ښاغلي شریفي وویل چې هیواد یې د دواړو هیوادونو پر ګډه پوله د یوشمیر اقتصادي پروژو د پلي کیدو پروګرامونه لري او غواړي چې اقتصادي اړیکي پراخ شي. د افغانستان په شمال کې د طالبانو اړیکي له ترکمنستان او ازبکستان سره ښې دي او له تاجکستان سره هغسې نه... Читать дальше...

د امریکا د متحد ایالتونو ولسمشر یو ځل بیا ایران ته ګواښ وکړ. کله چې له ډونالډ ټرمپ څخه د پنجشنبې په ورځ خبریالانو د ده او د اسراییل د صدراعظم د خبرو په اړه پوښتنه وکړه ده وویل، که تهران د خپل اټومي پروګرام په اړه کومه موافقه ونه کړي نو ډیرې بدې پایلې به ولري، خورا بدې پایلي. ټرمپ بیا وویل چې دی هیلمن دی چې له ایران سره به خبرې راتلونکې میاشت یوه نتیجه ورکړي. د اسراییل صدراعظم بنیامین نتنیاهو بیا د پنجشنبې په ورځ، له امریکا څخه تر ستنیدو مخکې وویل چې ډونالډ ټرمپ داسې شرایط رامنځته کوي چې کولی شي... Читать дальше...

د کرکټ د شل اورونو په نړیوال جام کې د جمعې په ورځ استرالیا له زیمبابوې سره، کاناډا له متحد عربي اماراتو سره او هالنډ د امریکا له متحد ایالتونو سره مسابقه کوي. د پنجشنې د ورځې په لوبو کې ایټالیا نیپال ته په لسو ویکټو ماتې ورکړه دا په نړیوال جام کې د ایتالیا لومړۍ بریا ده. د پنجشنبې په بله لوبه کې سریلانکا عمان ته او هند نامیبیا ته ماتې ورکړه. دا نړیوال جام د فبروري په اوومه د هند او سریلانکا په کوربتوب پيل شوی چې پایلوبه یې د مارچ په اتمه ده.

د کابل- بګرام د سړک د یوې برخې د جوړولو چارې پيل شوې. دا پروژه د پنجشنبې په ورځ پرانیستل شوه. د دې سړک اوږدوالی شپږ اعشاریه دوه کیلومتره دی، عرض یې پنځوس متره دی چې له نوي کابل څخه د بګرام په لور غځیدلی دی. د طالبانو د چارواکو په وینا پر دې پروژې به څلور سوه پنځه پنځوس میلیونه افغانۍ لګښت وشي.

د ملګرو ملتو د خوړو او کرنې ادارې( ایف-اې- او)، یونیسف او د فرانسې حکومت د دوه میلیونه یورو په ارزښت یو پروګرام پيل کړی دی چې د افغانستان په ختیځ کې له زلزله ځپلیو سره مرسته وکړي. د دې پروګرام له مخې به په کونړ او ننګرهار ولایتونو کې له نژدې دوه پنځوس زره کسانو سره مرسته وشي. تیرمیلادي کال د اګست په وروستیو کې د افغانستان په ختیځ کې د زلزلې له امله تر دوه زره دوه سوه ډیر کسان ووژل شول او تر درې زره شپږ سوه ډیر ټپيان شول. د دې زلزلې له امله له شپږ زره اووه سوه ډیر کورونه ویجاړ شول.

سعودي عربستان د افغانستان له سرې میاشتې سره د سل ټنه خرما مرسته وکړه. په کابل کې د سعودي عربستان د سفارت مرستیال علي محمد الحصان د پنجشنبې په ورځ وویل چې د روژې مبارکې میاشتې د رارسیدو په مناسبت دا مرسته شوې ده او ریاض ژمن دی چې په هر راز شرایطو کې له افغانستان سره خپلو بشري مرستو ته ادامه ورکړي. نن د شعبان پنځه ویشتمه ده، له ننه څلور یا پنځه ورځې وروسته به د روژې لومړۍ ورځ وي.

امنیت شورا د پنجشنبې په ورځ د افغانستان د ۱۹۸۸ کال د بندیزونو له کمیټې سره د مرستې لپاره د څارنې ټیم ماموریت په یوه خوله د یو بل کال لپاره وغځاوه. د پریکړه لیک مسوده د امریکا متحد ایالتونو چمتو کړې وه، چې د امنیت شورا دایمي او غیر دایمي پنځلس غړیو په متفقه توګه تصویب کړه. په افغانستان کې د ښځو له حقونو څخه سرغړونه په ځانګړي ډول له شپږم ټولګي ورپورته د نجونو د ښوونځیو بندیدل د دې بندیزونو د ادامې یو اساسي دلیل یادیږي. د سیاسي چارو کتونکې په کاناډا کې د افغانستان پخوانۍ سفیرې شنکۍ کړوخیل ازادي راډيو ته د ملګرو ملتو د دې بندیز په اړه وویل... Читать дальше...