Новости за 21.07.2023

د ښځینه فوټبال نړیوال جام په ترڅ کې نن د نایجریا او کاناډا لوبه صفر د صفر په وړاندې مساوي شوه.   ټاکل شوې, چې نن په دوهمه لوبه کې, فلیپین له  سویسزرلنډ سره او  اسپانیا له کاستاریکا سره مخامخ شي.  پرون کوربه هیواد نیوزیلنډ د نړیوال جام په لومړۍ لوبه کې ناروې ته یو د صفر په وړاندې ماتې ورکړه. په بله لوبه کې استرالیا د  ایرلنډ ملي لوبډلې ته په یوه ګول ماتې ورکړه.  د دې نړیوال جام لوبې به د یوې میاشتې په ترڅ کې په نیوزیلنډ او استرالیا کې تر سره شي.

د ایران د بهرنیو چارو وزیر حسین امیر عبداللهیان وايي، د داعش مشران او جنګي کسان له سوریې، لېبیا او عراق څخه افغانستان ته تللي دي. ده د ایران ایسنا خبري اژانس ته په مرکه کې وویل، ټولو ته څرګنده ده چې د داعش مشران او جنګي عناصر په وروستیو میاشتو کې له عراق، سوریې او لیبیا څخه افغانستان ته لېږدېدلي او دا په افغانستان کې د اوسنیو واکمنانو په وړاندې یوه ننګونه ده. ده په دې اړه څه ونه ویل چې د کومو شواهدو یا اسنادو پر اساس وايي چې د داعش غړي له یادو درو هیوادونو افغانستان ته لېږدېدلي او یا له کومې لارې افغانستان ته تللي دي. Читать дальше...

اروپايي ټولنې، په سوریه کې د بشار اسد د حکومت د پوځي ملاتړ او پر اوکراین د روسیې د یرغل د ننګې په خاطر پر ایران نوي بندېزونه ولګول. اروپايي شورا پرون (پنجشنبې) پر خپله ویبپاڼه په یوه راپور کې وویل: "د اوکراین پر ضد د روسیې له یرغله د ایران پوځي ملاتړ ته په کتو، دې شورا د محدودوونکو اقداماتو لپاره نوی چوکاټ جوړ کړی دی." په نویو بندېزونو کې، د هغو پُرزو د صادراتو بندیز هم شامل دی، چې د بې پېلوټه الوتکو په جوړولو کې کارول کېږي. د نویو بندېزونو پر اساس، ۶ تنه ایرانیان سوریې ته د هوايي دفاع د رادارونو... Читать дальше...

د امریکا متحدو ایالتونو په بغداد کې د سوېډن پر سفارت د اعتراض کوونکو حمله په کلکه غندلې او د عراق پر امنیتي ځواکونو یې له دې کبله انتقاد کړی، چې پر یوه دیپلوماتیک مرکز یې د اعتراض کوونکو د بلوسې مخه نه ده نیولې. سلګونو تنو په سوېډن کې د قرآنکریم د سوځول کېدو په اعتراض کې د چهارشنبې په ورځ، په بغداد کې د سویډن پر سفارت یرغل وکړ او د سفارت یوې برخې ته یې اور ورته کړ. امریکا د عراق له حکومته غوښتي، چې د خپلو نړیوالو مسوولیتونو پر اساس د دیپلوماتیکو استازولیو ساتنه وکړي. له بلې خوا عراق ویلي چې د سویډن سفیر باید له عراق څخه ووځي.

د افغانستان د څارنوالانو ټولنې د طالبانو له لوري د لویې څارنوالۍ د ادارې په لغوه کولو غبرګون وښود او دا کار یې د ټولو عدلي او قضايي ارزښتونو محوه کول وباله.  دې ټولنې پرون (پنجشنبې) په یوه اعلامیه کې ویلي، چې لویه څارنوالي د یوه هیواد په عدلي، حقوقي او قضايي سیستم کې یو بې پرې اورګان وي. اعلامیه زیاتوي:په افغانستان کې په ۱۹۲۱ م کال د امان الله خان د سلطنت په دوره کې له نظام نامې یا د هماغه وخت د اساسي قانون له تصویب کېدو وروسته رامنځته شوې وه.  په وروستیو کې د طالبانو مشر ملا هبت الله اخندزاده... Читать дальше...

په کابل کې د ترکیې د سفارت تعلیمي آتشې ویلي، چې هیواد به یې هر کال په خپلو پوهنتونونو کې افغان محصلانو ته ۳۰۰ بورسونه ورکوي. باختر خبري اژانس پرون (پنجشنبې) راپور ورکړ، چې د ترکیې د سفارت تعلیمي اتاشې چنګېز دیمیر دا خبره د طالبانو د لوړو زده کړو وزارت له مرستیال ډاکتر لطف الله خیرخواه سره په کتنه کې وکړه. د خبر پر اساس، د ترکیې د سفارت شارژدافېر په دې خوښي ښکاره کړې چې په بلخ پوهنتون کې د ترکي ژبې د ادبیاتو څانګه پرانېستل شوې ده. ترکیه له څو لسیزو راهیسې په خپلو پوهنتونونو کې د زده کړو لپاره... Читать дальше...

اروپايي ټولنې په افغانستان کې د خوراکي امنیت لپاره ۷ میلیونه او ۶ سوه زره یورو مرسته اعلان کړه.  دې ټولنې پرون (پنجشنبه) په یوه خبرپاڼه کې ویلي، چې دا پیسې به د افغانستان په ۶ ولایتونو کې د کروندګرو په ملاتړ او د هغوی د اړتیاوو په پوره کولو ولګول شي.  اروپايي ټولنې ویلي، چې دا پیسې به افغان ایډ موسسه او د هغې شریکان د دې جوګه کړي په خپلو پروګرامونو د کلیوالو مالي ستونزې حل کړي او له هغوی سره د کرنیزو مځکو او تولید په برخو کې ملاتړ وکړي.   ټاکل شوې ده، چې د اروپايي اتحادیې د مرستې پروګرامونه... Читать дальше...

د سرېلانکا د کرکټ اداره وایي، راتلونکې میاشت د افغانستان او پاکستان ترمنځ د درو یو ورځنیو مسابقو کوربه توب ته چمتو ده.  سرېلانکايي رسنیو پرون (پنجشنبه) وویل، چې د افغانستان د کرکټ بورډ ادارې د سرېلانکا له کرکټ بورډ څخه غوښتي و، چې د پاکستان په وړاندې د درې پنځوس اوره سیالیو لپاره خپل یو لوبغالی په کرایه ورکړي.  د خبر له مخې، د سرېلانکا کرکټ بورډ د افغانستان له غوښتنې سره موافقه کړې ده. ټاکل شوې ده ،چې د دواړو هیوادونو لوبډلې د راتلونکي اګسټ په لومړیو کې درې مسابقې د سریلانکا په یوه لوبغالي کې وکړي.

په افغانستان کې د بشري حقونو ؛ په تېره بیا د ښځو او نجونو د حقونو په اړه د اندېښنو په دوام، اروپايي ټولنې پرون (پنجشنبه) اعلان وکړ، چې د طالبانو د حکومت د پوهنې او عدلیې وزارتونو او همداراز د سترې محکمې سرپرستان یې تحرېم کړي دي.  دغي ټولنې په یوه اعلامیه کې، چې پر خپله وېبپاڼه یې خپره کړې، ویلي چې په افغانستان، جنوبي سوډان، مرکزي افرېقا جمهوریت، اوکراین او روسیې کې د بشري حقونو د سرغړونې په خاطر پر ۱۸ تنو او ۵ موسسو بندېزونه لګول شوي دي.  په دوام کې راغلي، ۶ تنه د جنسیت پر اساس د تشدد په خاطر... Читать дальше...

نیمروز د افغانستان له هغو ولایتونو دی چې اوسېدونکي یې د اوبو له ډېر کمښت سره مخ دي. د دې ولایت د اوسېدونکو په وینا، نه د څښاک او نه د کرنیزو اړتیاوو لپاره کافي اوبه لري نو له دې امله یې لسګونه کورنیو، خپلې سیمې پریښي او کډوال شوي دي.

د برېتانیا چاپ اکثرو ورځپانو، په خپلو وروستیو ګڼو کې د دغه هېواد د پارلمان د دفاعي کمېټې د مشر پر برخلیک خبرې کړی. د دفاعي کمېټې مشر توبایس ایلووډ، د افغانستان په اړه د یوه ټویټ او ویډیو په خپرولو سره چې ظاهرا يې په کې د طالبانو طرفداري کړی وه، له نیوکو سره مخ دی. نشنل وړلد ورځپانه لیکي، د برېتانیا د پارلمان د دفاعي کمېتې د مشر ایلووډ خپرې کړې ویډیو، نوموړی د محافظه کاره ګوند د عدم اعتماد له رایې سره مخ کړی دی. ښاغلی ایلووډ پر خپل ټویټر ویلي وو، افغانستان هغه هېواد دی چې بدل شوی ، امنیت یې... Читать дальше...

د کابل مزدورکاران له ساعتونو انتظار وروسته " تش لاس" بېرته خپلو کورونو ته ستنېږي. همایون حسیني هم له همدې ډلې دی. هغه ساعتونه- ساعتونه ولاړ وي، چې څوک یې مزدورۍ ته یوسي، خو وایي کار نه وي او لسګونه نورو مزدورانو غوندې " تش لاس" کور ته ستنېږي.