Новости за 05.05.2023

په خیبر پښتونخوا کې پرون په څو امنیتي پېښو کې څو ښوونکو او پوځیانو ته مرګ ژوبلې واوښتې. په خیبر پښتونخوا کې د اکثرو امنیتي پېښو مسوولیت پاکستاني طالبان یا ټي ټي پي په غاړه اخلي. په دې صوبه کې وروسته له دې امنیتي پېښې ډېرې شوي چې د تېر کال په نومبر کې د طالبانو او پوځ ترمنځ اوربند پای ته ورسېد. نور جزییات د لاندې لېنک په کېکاږلو اورېدلی شئ:

د طالبانو د حکومت د بهرنیو چارو سرپرست وزیر امیرخان متقي له پاکستاني چارواکو سره د خبرو او د چین، پاکستان، افغانستان په درې اړخیز ډیالوګ کې د ګډون لپاره نن اسلام اباد ته ځي. طالب پلاوی به د دوشنبې تر ورځې په اسلام اباد کې وي او د دې سفر په لړ کې به د چین له باندنیو چارو وزیر سره جلا هم وویني. سره له دې چې طالبان له پاکستان او چین سره نسبتاً نږدې اړیکې لري، هېڅ هېواد تراوسه د دوی حکومت په رسمیت نه دی پېژندلی. نور جزییات د لاندې لېنک په کېکاږلو اورېدلی شئ:

د مې تر څلورمې پورې هغې ډلې ته پر منسوب ټوېټر ۱۱ بیانونه خپاره شوي ول، خو مشال راډیو په خپلواکه توګه د هغې ډلې د وجود او د ټوېټر پاڼې د کره والي تصدیق نه شي کولای.

د افغانستان پخواني ولسمشر حامد کرزي او د افغانستان لپاره د اروپايي اتحادیې ځانګړي استازي توماس نېکلاسن له یو بل سره په کتنه کې د افغان نجونو پر مخ د ښوونځیو او پوهنتونونو د پرانیستلو او ښځو ته د کار کولو د حق ورکولو غوښتنه وکړه. د حامد کرزي دفتر پرون پنجشنبې ناوخته په یوه خبرپانه کې وویل چې په دې کتنه کې دوی په افغانستان کې د تلپاتې سولې او ثبات لپاره ملي ډیالوګ ضروري وباله. طالبانو له واک ترلاسه کولو وروسته لومړی له شپږم ټولګي پورته نجونې له زده‌کړو بې برخې کړې، بیا یې د پوهنتون دروازې پرې بندې کړې. Читать дальше...

د طالبانو تر کنټرول لاندې د سترې محکمې اداري مرستیال عبدالمالک حقاني وايي، د دوی محکمو په ټول هېواد کې د قصاص څه باندې ۱۷۰ حکمونه صادر کړي دي. حقاني پرون پنجشنبې په یوه ویډیو کې ویلي چې د طالبانو حکومت په افغانستان کې د قصاص حکم تطبیق ته ژمن دی. نوموړي ويلي: "په دې وروستیو کې اسلامي امارت د محکمو تشکیلات بشپړ کړي، محکمو په ټول هېواد کې د قصاص نږدې ۱۷۵ فیصلې، د دیات ۷۹ فیصلې او د سنګسار ۳۷ حکمونه صادر کړي دي." ده همدا راز وویل چې محکمو پر څلور تنو بدعملو د دېوال چپه کولو پرېکړه کړې ده.

د طالبانو حکومت د خُلم ولسوالي له بلخ ولایت څخه جلا او له سمنګان ولایت سره وتړله. خُلم پخوا هم د سمنګان ولایت اړوند وه، خو له تېرو څه باندې دوو لسیزو راهیسې له بلخ ولایت سره تړل شوې وه. طالبانو له سمنګان سره د خلم ولسوالۍ د بېرته یو ځای کولو د دلیل په اړه څه نه‌دي ویلي، خو باختر خبري اژانس چې د طالبانو تر کنټرول لاندې دی، ویلي چې بلخ ۱۳ اداري واحدونه لري خو سمنګان ۷ اداري واحدونه لري. تر دې وړاندې طالبانو غورماچ ولسوالۍ له فاریاب څخه جلا او له بادغیس سره بېرته وتړله. دا ولسوالي هم پخوا د... Читать дальше...

سوټ چاینا مارنینګ پوسټ: سوټ چاینا مارنینګ پوسټ ورځپانه په خپل یو سرلیک کې د چین، پاکستان او د طالبانو د حکومت د بهرنیو چارو وزیرانو ګډې ناستې په اړه لیکي، د چین د بهرنیو چارو زویر کین ګانګ له داسې یوې اجنډا سره چې افغانستان يې د سر موضوع ده پاکستان ته روان دی. دغه ورځپانه چې له هانګ کانګ څخه خپرېږي لیکي، د چین د بهرنیو چارو وزیر به په یوې درې اړخیزې ناسته کې د طالبانو له استازي او د پاکستان حکومت له لوړپورو چارواکو سره خبرې اترې وکړي. ورځپانه وړاندې وايي، چین هیله‌من دی چې له دې ناستې په ګټه... Читать дальше...

د روغتیا نړیوال سازمان وايي، په ۲۰۲۲ کې په افغانستان کې دوه ماشومان ګوزڼ وهلي دي. ډبلیو ایچ‌ او یا د روغتیا نړیوال سازمان پرون پنجشنبې په یوه ټویټ کې وویل چې دا په ډېرو کلونو کې په افغانستان کې د ګوزڼ یا پولیو تر ټولو لږ شمېر دی چې په یوه کال کې ثبتېږي. د ډبلیو ایچ‌ او په وینا، که هر ماشوم د ګوزڼ په وړاندې واکسین شي، افغانستان به له دې ناروغۍ په بشپړ ډول خلاص شي. افغانستان او پاکستان یوازیني دوه هېوادونه دي چې لا هم د پولیو یا ګوزڼ ناروغي په‌کې یو مخ له منځه نه‌ده تللې.

د افغانستان کرکټ بورډ وايي، د شنبې له ورځې به په کندهار کې د څلورو لوبډلو ترمنځ د ایمرجنګ جام سیالۍ پیل شي. دا سیالۍ، د کرکټ بورډ د کورني کرکټ د ډیپارتمنټ له لوري، د اسیا ایمرجنګ جام سیالیو ته د تیاري په هدف ترسره کېږي. د دې سیالیو غوره لوبغاړي به احتمالاً د اسیا په ایمرجنګ جام سیالیو کې د افغانستان استازیتوب وکړي. سبا به لومړۍ سیالي د هېواد ساتونکي او ځوان اتلان لوبډلو ترمنځ وي.