Новости за 07.01.2018

د کونړ ولایتي مسؤلین وايي، د څوکۍ ولسوالۍ د دیوه ګل په سیمه کې په روانه جګړه کې د اسلامي دولت یا داعش او افغان ځواکونو ته مرګ ژوبله اوښتې ده. د کونړ د والي ویاند عبدالغني مصمم نن یکشنبه ازادي راډیو ته وویل، داعش وسله والو د څوکۍ ولسوالۍ په یوه ګل کې د یکشنبې د ورځې د سهار پهشپږنیمې بجې هلته د پاڅون کوونکو په پوستو برید کړی چې پکې برید کوونکو ته درنه مرګ ژوبله اوښتې ده. ښاغلي مصمم وویل: "نن سهار د پاڅون کوونکو او محلي پولیسو په پوستو برید شوی و چې اوس هم جګړه شته، برید په شا تمبول شوی، لومړني... Читать дальше...

د افغانستان دفاع وزارت وايي، د هېواد په بېلابېلو سيمو کې د پوځي عملياتو په نتيجه کې د دولت ٧٢ وسله وال مخالفين وژل شوي دي. دغه وزارت نن يکشنبه په خپله اعلاميه کې ويلي چې دغه تعرضي او تهاجمي عمليات په تېرو ٢٤ ساعتونو کې شوي چې په نتيجه کې يې ٧٢ وسله وال مخالفين وژل شوي، ٣٢ تنه ټپيان او ٢ تنه يې نيول شوي دي. دفاع وزارت ويلي، دغه پوځي عمليات په ننګرهار، لغمان، غزني، پکتيکا، لوګر، ارزګان، فراه، نيمروز، فارياب، کندوز او هلمند ولايتونو کې شوي دي. د دغو عملياتو پر مهال د وسله والو د ځينو پټنځايونو،... Читать дальше...

شریف د خالي پر ورځ په سرګودې کې یوې جلسې ته په وینا کې تور پورې کړ چې د سپریم کورټ د یوې فیصلې له کبله په هېواد کې انتشار، سیاسي او اقتصادي بحران پیدا شوی دی.

د چين د ټرانسپورټ وزارت وايي، ٣٢ کسان چې ډېرى يې ايرانيان دي، وروسته له هغې نادرکه شول چې د تېلو باروړونکې کښتۍ يې د چين ختيځ ساحل ته نېږدې له يوې بلې باروړونکې بېړۍ سره ټکر شوه. دغه وزارت وايي د کښتۍ په عمله کې ٣٠ ايرانيان او ٢ بنګله دېشيان وروسته له هغې نادرکه شول چې پرون شنبه ناوخته يې د کښتۍ د تېلو ٢٧٤ متره ټانکر تر ټکرېدو وروسته اور واخيست. د چين د ټرانسپورټ وزارت وايي، ٢١ چينايي عمله له باروړونکې کښتۍ څخه ژغورل شوې ده.

دغه سرچینه چې د موضوع د حساسیت له امله نه غواړي نوم یې واخیستل شي، وايي چې حکومت د بلخ د والي ...

د لښکرګاه ځنګل تېره شپه د ناڅرګندو کسانو لخوا ۴۰ جریبه سوځېدلی دی، که څه هم د اور لګېدنې اصلي دلیل نه...

د افغانستان د سوداګرۍ او صنایعو خونې مسؤلین وايي، په تېرو ۸ میاشتو کې د پینځو میلیونو ډالرو په ارزښت ۹۰۰ ټنه جلغوزي بهرته صادر شوي دي. د دغې خونې د صادراتو د پراختیا رئیس میرزمان پوپل نن یکشنبه ازادي راډیو ته وویل، دغه جلغوزي چین، ویتنام، هند، پاکستان او اروپايي هېوادونو ته استول شوي دي. ښاغلی پوپل زیاتوي، اټکل کېږي چې د روان لمرېز کال ترپایه د جلغوزو صادرات څه باندې ۵۰۰۰ ټنو ته ورسېږي. نوموړی وایي چې اوس مهال په جنوبي زون کې زیات شمېر بزګران د جلغوزو محصولات راټولوي.

په ننګرهار کې په ژمي کې د سبزیو د ښو حاصلاتو په هدف ۱۵۰ شنې خونې ګټې اخېستنې ته وسپارل شوې. د ننګرهار د کرنې او مالدارۍ رئیس رفیع الله رحیمزي نن یکشنبه ازادي راډیو ته وویل، دغه شنې خونې ۴،۶ میلیونه افغاني ارزښت لري چې لګښت يې د کرنې او مالدارۍ وزارت له خوا ورکړل شوی دی. ښاغلی رحیمزی وايي، دغه شنې خونې د ښځو د اقتصادي پیاوړتیا په هدف، د ننګرهار په سره رود، بهسود، کامې، ښېوې او دره نور ولسوالیو کې جوړې شوې دي. نوموړی زیاتوي چې د شنو خونو ترڅنګ په ښځو د سبزیو اصلاح شوي تخمونه هم وېشل کېږي.

د لغمان ولایت قرغه‌یي ولسوالۍ یوه سمسوره ولسوالۍ ده، بزګر یې تل له خپلو کرنیزو توکو د ژوند بېړۍ روانه کړې.

امنیتي چارواکي وايي، د کندهار په معروف ارغستان او د زابل په اټغر ولسوالۍ کې يې د وسله والو پر ضد په ۸ ورځنیو تصفیوي عملیاتو کې...

بلخ د افغانستان له هغو ولایتونو څخه دی چې یو شمېر لرغوني اثار لري. دا ولایت د پخواني تمدن او اسلامي تهذیب څلي او ودانۍ هم لري چې پکې د نهو ګنبدونو جومات (مسجد نه ګنبد) هم شامل دی. دا جومات د نړۍ له پخوانیو ودانیو یو ګڼل کېږي خو یو راز هم لري چې لرغونپوهان یې د معلومولو هڅه کوي. په دې اړه ویډیو وګورئ

د ایران پارلمان نن یکشنبه ځانګړې غونډه جوړوي چې د حکومت خلاف پر هغو اعتراضونو خبرې وکړي چې څه باندې یوه اوونۍ یې دغه هېواد ته ټکان ورکړ. دا غونډه چې د پارلمان اصلاح غوښتونکو غړو رابللې، د وروستیو نارکراریو پر علتونو غور کوي. ټاکل شوې ده چې د پارلمان غونډه د ایران په وخت د سهار په ۹ بجې پیل شي. ایسنا نیمه دولتي خبري اژانس وویل، په پام کې ده چې د کورنیو چارو وزیر، د ایران د استخباراتي ادارې مشر او د امنیت شورا رئيس په دې غیرعلني غونډه کې ګډون وکړي. دغه راز په پام کې ده چې د اصلاح غوښتونکو په... Читать дальше...

د مالیزیا حکومت یوه طرحه تصویب کړه چې پر اساس یې خصوصي سکتور د دغه هېواد د هوايي شرکت د بې درکه شوې الوتکې د موندلو لټه کوي. دا مسافر وړونکې الوتکه نژدې ۴ کاله وړاندې له کوالا لامپور څخه پیکینګ ته روانه وه چې بې درکه شوه. د مالیزیا د ټرانسپورټ وزیر لیو تیونګ لاو پرون شنبه «۱۳۹۶کال مرغومې۱۶» وویل، د تګزاس په هیوسټون کې اوشن اینفینټي کمپنۍ غوره شوې چې لټون وکړي او یوازې هغه وخت به دې کمپنۍ ته پیسې ورکړي چې د الوتکې ټوټې ومومي. د مالیزیا د هوايي شرکت بوینګ ۷۷۷ جېټ الوتکه د ۲۰۱۴ میلادي کال د مارچ... Читать дальше...

د هلمند ولایت د کار او ټولنیزو چارو، شهیدانو او معلولینو ریاست وايي، سږ کال يې د ۹۹۱ شهیدانو او معلولینو نومونه راجسټر کړي دي.

کابل چاپ ورځپاڼو په خپلو نننیو ګڼو کې د ګڼو نور مسایلو تر څنګ پر پاکستان د امریکا د فشارونو او له امله یې د اړیکو د ترینګلتوب په اړه یو شمېر لیکنې چاپ کړي دي.

ګڼو لویدیځو ورځپاڼو د ولسمشر ټرمپ د ادارې له‎خوا پر پاکستان د امریکا د پوځي مرستو پر بندېدو، د دواړو هېوادونو پر اړیکو او پر سیمه یې پر اغېزو لیکنې کړې.

د فراه ولايتي چارواکي وايي، په بالابلوک ولسوالۍ کې د اتو برمته شويو کسانو د خوشې کولو لپاره يې جدي هڅې پيل کړي دي. د بالابلوک ولسوال ملا سيد محمد ازادي راډيو ته وويل، دا کسان ملکيان دي. د فراه د والي وياند محمد ناصر مهري تېره شپه ازادي راډيو ته وويل چې په دې برخه کې دوى له قومي مشرانو څخه هم د همکارۍ غوښتنه کړې ده: "له قومي مشرانو او د بالابلوک له ولسوال سره خبرې شوي چې وکړاى شو د همدغو قومي مشرانو په منځګړيتوب د تښتول شوېو کسانو ځاى تثبيت او خوشې يې کړو." د ازادي راډيو د خبريال په حواله،... Читать дальше...

افغان چارواکي وايي، د جوزجان ولايت په درزاب ولسوالۍ کې لا هم ٢٠ زره زده‎کوونکي له زده‎کړو بې برخې پاتې دي. د درزاب سرپرست ولسوال باز محمد داور پرون شنبې «۱۳۹۶کال مرغومې۱۶» ازادي راډيو ته وويل، په سيمه کې لا هم داعش ډله حضور لري او ښوونځي يې تړلي دي: "داعش ډلې ټول ښوونځي تړلي دي. شاوخوا ٢٠زره زده‎کوونکي له تعليمه محروم پاتې دي. د ولسوالۍ مواصلاتي لارې هم تړل شوي دي." تردې مخکې د جوزجان ولايت چارواکو خبر ورکړى و چې له درېيو استقامتونو به د داعش ډلې پر خلاف په درزاب او قوش تپې ولسواليو کې پوځي عمليات وشي. Читать дальше...

د ملګرو ملتونو امنيت شورا په کابل کې د پنجشنبې ورځې «۱۳۹۶کال مرغومې۱۴»​ ځان وژونکې حمله په کلکو ټکو وغندله. ملګرو ملتونو په خپله اعلاميه کې چې پرون شنبه«۱۳۹۶کال مرغومې۱۶» يې خپره کړې هغه حمله "بېرحمانه او بُزدلانه" بللې ده. د اعلاميې په حواله د امنيت شورا غړو د قربانيانو له کورنيو او افغان حکومت سره خپله ژوره خواخوږي څرګنده کړې ده. د پنجشنبې ناوخته د کابل بنايي سيمې ته نېږدې د پوليسو پر يوه ډله ځان وژونکې حمله وشوه چې په نتيجه کې يې د کورنيو چارو وزارت په حواله ١٣ پوليس وژل شوي او ١٦ پوليس او ٢ ملکيان ټپيان شوي دي. Читать дальше...

ويل شوي، دغه افغانان د ايران له‌خوا د فاطميون لېوا په چوکاټ کې د سوريې جګړې ته لېږل شوي دي.

یوې زلزلې چې شدت یې د ریښتر په حساب پنځه اعشاريه يوه درجې و، پرون شنبه «۱۳۹۶کال مرغومې۱۶» ماښام د ايران په لوېدیځ ولايت کرمانشاه کې لږ تر لږه ۲۱ تنه ژوبل کړي دي. نيمه دولتي اژانس اېسنا راپور ورکړى چې د زلزلې مرکز د تهران د لوېديځ په ٥٢٠ کيلومترۍ کې و.  د ایران دولتي ټلوېزېون وايي، دوه ټپیان په روغتون کې بستر شوي او نور له درملنې وروسته رخصت شوي دي.

د امریکا ولسمشر ډونالډ ټرمپ وايي، لېواله دی چې د شمالي کوریا له مشر کیم جونګ-اون سره ټېلیفوني خبرې وکړي. ټرمپ پرون شنبه «۱۳۹۶کال مرغومې۱۶»  په کمپ ډېوېد کې خبریالانو ته د دې پوښتنې په ځواب کې چې ایا غواړي له هغه چا سره خبرې وکړي چې په کوچني راکټي سړي مشهور دی؟، وویل:  "زه تل پر خبرو باور لرم." ده همدا راز وویل، یقیناً چې خبرې به وکړي، په دې کې هېڅ ستونزه نه‌لري.

د ايران دولتي ټلوېزېون پرون شنبې «۱۳۹۶کال مرغومې۱۶» د هغو مظاهرو تصويرونه خپاره کړل چې د امل، سمنان او شادګان...

جرمني او ترکيې د خپلو عالي رتبه ډيپلوماټانو په غونډې سره د خپلو خړو‌پړو اړيکو د ښه کېدو لپاره اقدام وکړ. خو دواړو لوريو منلې چې لا هم پر ځينو پام‌وړ مسايلو اختلافات شته. د جرمني د بهرنيو چارو وزير زیګمار ګابرېل پرون شنبه «۱۳۹۶کال مرغومې۱۶» د جرمني په ګسلار ښار کې د خپل ترکي سيال مولود چاووش‌اوغلو هرکلى وکړ. دا په داسې حال کې ده چې انقره له اروپا سره تر يو کلنو ترينګلو اړيکو وروسته د خپلو اړيکو د ښه کولو تمه لري. د جرمني د بهرنيو چارو وزير زیګمار ګابرېل تر کتنې وروسته خبريالانو ته وويل:  "څرګنده ده چې موږ پر ټولو مسايلو موافقه نه‎کوو. Читать дальше...

د روسيې سترې محکمې د اپوزيسيون د مشر الکسي ناوالني د استېناف د رد لپاره خپله پرېکړه بيا تأیيد کړه. ناوالني دا غوښتنه د هغې پرېکړې پرضد سپارلى و چې د روسيې په راتلونکو ټاکنو کې د ده د مخنيوي لپاره شوې ده. په روسيه کې د جمهوري رياست انتخابات د ٢٠١٨میلادي کال په مارچ مياشت کېږي او ناوالني غواړي د دغو انتخاباتو يو کانديد وي. محکمې پرون وويل، د ډیسمبر د ۳۰مې نېټې پرېکړه يې لا هم پرځاى ده. محکمې د انتخاباتو مرکزي کمېسيون د هغه اعلان ملاتړ کړى چې په کې ويل شوي،  ناوالني د دغو انتخاباتو پر شرايطو برابر نه‎دى. Читать дальше...