میدان وردګ: ۱۵ مټریک ټنه د غنمو مرسته به په خلکو وویشل شي
د دغه ولایت د کرنې مشر ولید احمد تسل نن ازادي راډيو سره په خبرو کې وویل چې دا مرسته شپږ میاشتې مخکې د پاکستان له خوا له وچکالۍ ځپلو خلکو سره شوې وه.
د ښاغلي تسل په خبره، د دغو مرسته شویو غنمو د وېشلو لپاره د کرنې ریاست له لوري یو پلاوی ټاکل شوی چې د میدان وردګو ولایت ټولو ولسوالیو ته به دا مرستې ورسوي او په مستحقو کسانو به یې وویشي.
د میدان وردګو ولایت د کرنې ریاست د معلوماتو له مخې تېرکال پهدغه ولایت کې هم د وچکالیو له امله ګڼ خلک اغېزمن شوي وو، خو سږنیو ورښتونو ته په کتو راتلونکی کال د زیاتو حاصلاتو لپاره هیلې موجودې دي.