درې زره کیلوګرامه چرس په هلمند کې ونیول شول
درې زره کیلوګرامه چرس د هلمند بهرامچې سيمې ته د قاچاقو پر مهال ونیول شول.
د هلمند ولایت د مطبوعاتي دفتر په خبرپاڼه کې راغلي چې ۲۸۵۰کیلو ګرامه چرس هغه مهال ونیول شول چې په دوو موټرو کې ځای پر ځای شوي او په پام کې وه چې د هلمند ولایت له سنګین ولسوالۍ څخه يې د ګرمسېر له لارې د بهرامچې سیمې ته قاچاق کړي.
د دې موادو د قاچاقو په تور څلور کسان نیول شوي او دوه ميله وسلې هم ورسره نيول شوي دي.