چارواکي: د فاریاب په دولت اباد ولسوالۍ کې ۱۱ طالبان وژل شوي
د فاریاب د امنیې قوماندانۍ ویاند عبدالکریم یوروش وايي، وسله والو مخالفانو پرون ماښام د دولت اباد ولسوالۍ د بازار په لمنه کې پر امنیتي پوستو حملې وکړې.
د ده په وینا، امنیتي ځواکونو په ځوابي بریدونو کې ۱۱ طالبان ووژل او ۱۴ نور ژوبل کړل.
یوروش وايي، په وژل شویو کسانو کې د ملا نصرت په نوم د طالبانو یو قوماندان هم شامل دی.
طالبانو تراوسه پورې په دې اړه څه نه دي ویلي.