په تخار کې شپږ تنه د نشه يي موادو د قاچاقو په تور نیول شوي
په تخار ولایت کې شپږ تنه د نشه يي موادو د قاچاقو په تور ونیول شول.
د تخار د امنیه قوماندانۍ له نشه يي موادو سره د مبارزې مدیر احمدشاه نادري وايي چې پولیسو په لومړیو عملیاتو کې دوه کېلو او ۴۵ ګرامه هیرويين او په دوهم ځل عملیاتو کې په رُستاق ولسوالۍ کې یوکېلو او ۶۵۰ ګرامه هیرويين او ۱۲۴ بوتله الکولي مشروبات نیول شوي دي.
د یادونې وړ ده چې د نشه يي موادو د قاچاقو په تړاو د يوې ښځې په ګډون شپږ کسان نیول شوي چې د څېړنو لپاره د نشه يي موادو عدلي او قضايي مرکز ته معرفي شوي دي.