چارواکي: په فراه کې ۱۱ افغان سرتېري او ۹ طالبان وژل شوي
د فراه یوه سیمه ییز چارواکي ویلي دي چې په دې ولایت د تالاشۍ پر یوې پوستې د وسله والو په یوه برید کې لږ تر لږه۱۱سرتېري وژل شوي دي.
د فراه د والي ویاند محمد ناصر مهري نن شنبه فرانس پرېس اژانس ته ویلي چې امنیتي ځواکونو ته دا تلفات په بالابلوک ولسوالۍ کې اوښتي دي.
د نوموړي په وینا، په دې برید کې څلور سرتېري ژوبل شوي او ۹ وسله وال هم وژل شوي دي.
بل لورته په هلمند کې نن یو موټر بم برید یو پولیس وژلی دی.
تر اوسه د هلمند د برید مسؤلیت چا پر غاړه نه دی اخیستی .