کرکټ: سپین غر، مس عینک او بند امیر، بُست لوبډلې ته ماتې ورکړه
په لومړۍ لوبه کې سپین غر لوبډلې د مجید عالم د ۷۲ او حسن صافي د ۶۳ منډو پرمټ مس عینک لوبډلې ته د ۲۴۳ منډو هدف وټاکه چې په ځواب کې د مس عینک ټوله لوبډله په ۱۱۵ منډو وسوځېده او لوبه یې د ۱۲۸ منډو په توپیر بایلوده.
په دغه لوبه کې د سپین غر لوبډلې لوبغاړی عابد چې د سیالې لوبډلې ۵ م لوبغاړي یې اوټ کړل د لوبې غوره لوبغاړی ونومول شو.
په دوهمه لوبه کې بیا بُست لوبډلې لومړی بیټنګ وکړ او خپلې سیالې لوبډلې بند امیرته یې د ۲۰۸ منډو هدفو وټاکه چې په ځواب کې بند امیر لوبډلې ورکړل شوی هدف د ۲ وکټو په زیان سره پوره او لوبه یې د ۸ وکټو په توپیر وګټله.
اصف موسی زی چې د بندامیر لوبډلې لپاره يې ۹۲ ناسوځېدلې منډې جوړې کړې د لوبې غوره لوبغاړی وټاکل شو.