امریکا تأييد کړه چې ۴ وګړي یې د انټر کانټیننټل هوټل پېښه کې وژل شوي
د بهرنیو چارو وزارت ویاندې هدر ناوئرټ د چهارشنبې په ورځ «۱۳۹۶ کال د سلواغې ۰۴» په یوه خپاره کړي بیان کې د وژل شویو امریکایانو کورنیو ته د درناوي په خاطر په دې اړه نور جزئیات نهدي ورکړي، خو په دې حمله کې چې شاوخوا ۳۰ تنه وژل شوي، یوازې د څلورو امریکایي اتباعو وژل کېدل او دوو ټپي کېدل یې تأیید کړي دي.
له دې مخکې نوموړي په دغه حمله کې چې مسؤلیت یې وسلهوالو طالبانو په غاړه اخېستی یوازې دومره ویلي چې امریکایانو ته پهکې مرګ ژوبله اوښتې، خو دقیق شمېر یې تر اوسه نهو ښودلی.
افغان چارواکو ویلي چې د وژل شویو ۱۴ بهرنیانو څخه ۱۱ یې د کام ایر افغان هوایي خصوصي شرکت کارکوونکي وو.
د دې شرکت د اوو وژل شوېو اوکراینیانو مړي پرون چهارشنبه «۱۳۹۶ کال د سلواغې ۰۴» خپل هېواد ته ولېږدول شول.