Venstre vil gjere lærar til beskytta tittel

Partiet føreslår å gjere læraryrket til ein beskytta tittel, med mål om å løfte yrkesstatusen.

– Vi skal fremje forslag denne veka om at læraryrket skal bli ein beskytta tittel. Det er eit grep for å løfte statusen til læraryrket, for å reflektere at det trass alt er ein av dei viktigaste jobbane vi har i samfunnet, seier Venstre-leiar Guri Melby til VG.

Ein beskytta tittel er ein yrkestittel med krav om fullføring av ei bestemd utdanning og offentleg godkjenning.

I dag er det ikkje krav om lærarutdanning for å kalle seg lærar. Venstre vil at personar som underviser utan lærarutdanning må bruke ein annan tittel.

Tal frå Statistisk sentralbyrå viser at nesten kvar femte lærar i skulen, målt i læreårsverk, manglar lærarutdanning.

(NTB)