Обама: Не го потценив Путин

Претседателот на САД Барак Обама смета дека правилно го оценил рускиот лидер Владимир Путин. Ова тој го изјави во интервјуто за телевизијата Еј-Би-Си Њуз, коментирајќи го извештајот на американското разузнавање по повод наводната вмешаност на Русија во претседателските избори во САД.

Тајните служби на САД го обвинуваат Путин за хакерските напади

Обама се согласува со заклучоците на извештајот и потврдува дека е убеден во вмешаноста на Русија. Притоа, според него, тој најмногу ги потценил дезинформациите и хакерските упади.

Обама негативно одговори на прашањето дали го потценил Путин. „Не мислам дека го потценив. Но сметам дека го потценив тоа, во колкава мера во новата информатичка ера дезинформациите и упадите можат да влијаат на нашето отворено општество, нашиот отворен систем“, истакна Обама, пренесува „Лента.ру“.