Една година од соборувањето на украинскиот патнички авион во Иран
Авионот на Украинската интернационалната авиокомпанија се урна непосредно по полетувањето од главниот аеродром во Техеран на 8 јануари 2020 година, при што загинаа сите 176 лица во авионот. Поголемиот дел од жртвите беа Иранци и Канаѓани, но меѓу загинатите има и Авганистанци, Британци, Швеѓани и Германци.
Во Украина поставен споменик на жртвите од соборениот авион во Иран
Иран, откако првин негираше, по неколку дена призна дека ирански безбедносни сили случајно го собориле авионот, откако истрелале две ракети во услови на зголемени тензии со САД.
Во изјавата што се совпадна со првата годишнина од несреќата, ХРВ ги повика иранските власти „да се посветат на вистинска транспарентна истрага и да соработуваат со меѓународните тела за откривање на вистината и да им се обезбеди на семејствата на жртвите правда и соодветно обештетување“.
Иранските власти изјавија дека земјата никогаш не се обидела да ги скрие деталите за катастрофата или да ги наруши правата на семејствата на жртвите. Нема извештаи дека за несреќата се отпуштени или си дале оставка високи ирански функционери.
На 7 јануари, воениот обвинител на Техеран, Голам Абас Торки, рече дека експертите ги завршиле своите истраги и дека инцидентот е резултат на „човечката грешка“. Судските власти соопштија дека судењето на неколку лица обвинети за несреќата ќе започне подоцна овој месец, но не се посочуваат осомничените.
Иран во декември објави дека владата одвои по 150 илјади долари за семејствата на секоја од жртвите - понуда што ја одбија украинската и канадската влада, како и некои од семејствата на жртвите, кои сметаат дека тоа е обид да се затвори одговорност за случајот.