Новости за 05.01.2020

Во Србија е уапсен Нинослав Јовановиќ, познат како „Малчанскиот берберин“, кој е осомничен за киднапирање на дванаесетгодишната Моника Каримановиќ, потврдија во Вишото јавно обвинителство во Ниш. Потрагата по Јовановиќ траеше од 20 декември, кога ја киднапираше и Моника Каримановиќ. По десетневна потрага таа беше пронајдена, а полицијата по него трагаше до денеска. Јовановиќ е уапсен од полицијата, по пријава, на Малчанските гробишта, каде се криел деновиве. Тој претходно беше осуден на 12 години... Читать дальше...

Ирачкиот парламент донесе резолуција во која се повикуваат странските трупи да ја напуштат земјата. Резолуцијата уследи по американскиот воздушен напад минатата недела во близина на Багдад, во кој загинаа иранскиот воен командант, Касем Солејмани. Пратениците исто така побараа од ирачката влада да забрани странските сили да користат ирачка земја, воздушен простор или вода од која било причина. Владата се обврзува да го повлече своето барање за помош од меѓународната коалиција што се бори против екстремистичката група Исламска држава... Читать дальше...

Ниските температури и снежните врнежи на Балканот затворија пристаништа, патишта, гранични премини. Поради неповолните временски услови воведена е забрана за испловување на траекти од Драч, Албанија, кон Бари, Италија и обратно, сè до друга наредба од капетанијата на пристаништето, соопшти албанската генерална поморска управа. Поради лошите временски услови во Албанија има проблеми во одвивањето и на патниот сообраќај, посебно во северниот дел на земјата, како и во Корча. Надлежните апелираат на задолжителна употреба на зимска опрема... Читать дальше...

Од СДСМ преку соопштени реагираат дека лажни се тврдењата дека претседателот на партијата и доскорашен премиер Зоран Заев или кој било од неговото семејство или некој од неговите соработници биле вмешани во случајот во јавноста познат како Рекет. Од партијата велат дека тоа се тешки, перфидни лаги и клевети. Претходно портпаролот на ВМРО-ДПМНЕ, Наум Стоилковски на прес-конференција рече дека Заев, владата и обвинителството мора да одговорат кој сè е вмешан во аферата Рекет. Стоилковски праша дали... Читать дальше...

Од 6 ноември, кога стана познато дека ќе се формира техничка влада досега се распишани огласи за 4.131 работно место во државната управа, преку Агенцијата за вработување и Агенцијата за државни службеници, изјави денеска дополнителна заменичка министерка во Министерството за информатичко општество и администрација, Невенка Стаменковска Стојковски. Таа посочи дека во услови кога забелешките се дека државната администрација е превработена и гломозна, со овие вработувања се прави, како што вели, брутална партизација на државниот апарат. Читать дальше...

Шефот на европската дипломатија Жозеф Борел го покани во Брисел иранскиот министер за надворешни работи Мохамед Џавад Зариф, соопшти денеска ЕУ, и повторно повика на смирување на тензиите на Блискиот Исток. Борел телефонски разговарал со Зарифи го поканил во Брисел, но не се наведува датумот, ни други детали. Зариф и Борел истакнале дека е важно зачувувањето на меѓународниот договор за иранската нуклеарна програма, кој е клучен за светската безбедност, се наведува во соопштението на ЕУ и се додава... Читать дальше...

Британската морнарица ќе ги придружува бродовите кои пловат под британско знаме низ стратешкиот Ормуски Теснец, поради зголемените регионални тензии по убиството на иранскиот генерал Касем Солејмани во американски воздушен напад. Британскиот министер за одбрана Бен Валас вчера соопшти дека наредил воените бродови Монтроус и Дефендер да се подготват за мисијата за придружба во важниот морски пат за транспорт на нафта. Премиерот Борис Џонсон претходно наиде на критики поради тоа што не зазема став за американското убиство на Солејмани. Читать дальше...

Голема бела ајкула усмрти нуркач во југозападна Австралија, во близина на градот Есперанс, соопштија денеска локалните власти. Тоа е прв смртоносен напад во тоа подрачје од почетокот на оваа година, а втор во последните три години.

Американскиот претседател Доналд Трамп го предупреди Техеран дека САД „многу брзо и многу силно“ ќе погодат 52 локации во Иран ако Исламската Република нападне американски цели. Некои од тие локации се „многу важни за Иран и за иранската култура“, наведе доцна синоќа Трамп на Твитер. „САД веќе не сакаат закани“, предупреди Трамп. Во врска со 52-те идентификувани локации, Трамп потсети дека 52 Американци на крајот на 1979 година, за време на Исламската револуција, повеќе од една година беа заложници во Амбасадата на САД во Техеран. Читать дальше...

Шест германски туристи загинаа на северот на Италија кога на нив налетал автомобил кога излегувале од ноќен клуб, соопштија властите. Во инцидентот во селото Лутаго, недалеку од австриската граница, биле повредени 11 луѓе, од кои двајца се во критична состојба. Возачот на автомобилот, кој е уапсен, исто така е хоспитализиран поради повредите. Сите жртви се млади луѓе, а медиумите јавија дека возачот бил 28-годишен и оти бил пијан. Во околината на Лутаго во областа Трентино-Јужен Тирол има неколку популарни скијачки центри.

Повеќе од 16.000 косовски граѓани се откажаа од државјанството во изминатите три години, објави РТК, повикувајќи се на извештаи од Министерството за внатрешни работи. Само во текот на минатата година, повеќе од 5.300 граѓани се откажале од косовското државјанство, а Министерството за внатрешни работи вели дека главната причина за тоа е неможноста да се има двојно државјанство во земјите во кои емигрирале. Службеникот за информации за Министерството за внатрешни работи, Роксана Кари, во изјава за Радио Косово... Читать дальше...

Во Хрватска утрово во 7 часот беа отворени гласачките места за вториот круг од седмите претседателски избори. Повеќе од 3,8 милиони гласачи имаат право на избор меѓу поранешниот премиер Зоран Милановиќ, кандидат на опозициската СДП и актуелната претседателка Колинда Грабар-Китаровиќ, кандидат на владејачка ХДЗ. Новиот хрватски претседател ќе биде кандидат кој ќе освои повеќе гласови од граѓаните кои ќе излезат на биралиштата. Според најновата анкета на Ипсос објавена во петокот, кандидатот на СДП води со 45 проценти од анкетираните гласови... Читать дальше...

Четири американски авиони CVT-22B Osprey и два воени транспортера C-130 Hercules слетале во воената база Суда на островот Крит во четвртокот, објави весникот Катимерини. Според извори на весникот, шесте авиони кои се префрлени од американска база во Англија ќе се користат за потенцијални операции за евакуација на американски граѓани или офицери од Ирак или од поширокиот регион на Блискиот Исток. Тензиите на Блискиот Исток се зголемија, откако во американски воздушен напад во Ирак беше убиен иранскиот генерал Касем Солејмани. Читать дальше...

Времето денеска ќе биде облачно со засилен северен ветер и со повремени врнежи претежно од снег. Врнежите ќе бидат со слаб, а во западните делови на места со умерен интензитет. Вдолж Повардарието, каде ветерот ќе биде најсилен, преку денот ќе има и повремено намалување на облачноста. Утринската температура се движи од минус 4 до 4 степени, а дневната од минус 2 до 7 степени. Во Скопје и околината времето ќе биде облачно со засилен северен ветер и со повремени врнежи претежно од снег. Температурата ќе достигне до 4 степени.