Новости за 02.01.2019

Соединетите Држави соопштија дека очекуваат наскоро да добијат пристап до американскиот државјанин Пол Вилан уапсен под сомневање за шпионажа во Русија и ќе побараат негово итно враќање ако неговиот притвор е несоодветен. "Во следните неколку часа се надеваме дека ќе добиеме конзуларен пристап за да го видиме и да добиеме шанса да дознаеме повеќе", изјави денеска американскиот државен секретар Мајк Помпео пред новинарите, додека беше во посета на Бразил. Руската новинска агенција РИА новости... Читать дальше...

Сајбер насилството се врши со објавување на фотографии, снимки, негативни пораки со омаловажување и навреди. Најчесто насилниците бираат за жртви ученици кои се помирни и подисциплинирани, велат психолози.

Бројот на жртвите во уривањето на зградата на новогодишната ноќ во рускиот град Магнитогорск се искачи на над 20 луѓе. Министерството за вонредни ситуации соопшти денеска дека 22 лица се  загинати, а околу 20 остануваат исчезнати, повеќе од 48 часа по експлозијата на плин во која се урна 10 катната зграда. Две деца се меѓу оние за кои е потврдено дека се  загинати, објавија министерството. Шест лица, вклучувајќи го и детето чие спасување се нарече  чудо, се извлечени од урнатините на зградата во јужниот град Урал и се хоспитализирани. Читать дальше...

Договорот за името помеѓу Грција и поранешната југословенска Република Македонија (ПЈРМ) се очекува да биде ратификуван во парламентот на ПЈРМ порано отколку што се очекуваше, најверојатно до 10 јануари, што значи дека т.н. Преспански договор ќе дојде и до грчкиот парламент, пишува грчкиот весник  „Катимерини“. Во текстот под наслов „Скопје забрзува – не е исклучена можноста да го ратификуваат Договорот од Преспа до 10 јануари“, грчкиот весник „Катимерини“, наведува дека Генералниот секретар на НАТО... Читать дальше...

Поради врнежи од снег и засилен северен ветер, од превентивни причини, од 15:25 часот се воведува забрана за тешки товарни возила на патниот правец крак Маврово – Дебар и обратно, информираат од АМСМ. Поради можни навеви од снег пак локалната самоуправа на Кавадарци упати  апел до жителите од Поткожувјето да се воздржат од неитни патувања. Согласно најавите од УХМР Скопје, од денеска попладне следи промена на времето проследена со врнежи од снег и засилен северен ветер, како и пад на температурата до -10 C. Читать дальше...

Српскиот претседател Александар Вучиќ изјави дека Србија нема, поради ЕУ, да се дистанцира од Русија. Во интервју за порталот Еспресо, тој вели дека Србија има добри односи со Русија и не сака да ги расипува. „Србија се наоѓа на европскиот пат и јас тоа не го кријам никаде, па ни во Москва. А тоа што ќе ми кажете - урнете ги своите односи со Русија. Зошто да ги урнеме? Вие да го градите Северен тек, а ние да не можеме да го градиме Јужниот тек. Зошто? Па, затоа што вие сте големи, а ние мали. Јас... Читать дальше...

Портпаролот на грчката Влада и министер без ресор, Димитрис Ѕанакопулос, во интервју за радиото „Њуз247“, уште еднаш повтори дека во грчкиот Парламент постои мнозинство за ратификација на Договорот од Преспа и објасни дека неколку дена по гласањето, ќе се ратификува и протоколот за влез на Македонија во НАТО, јави дописничката на МИА од Атина. „Целта на Владата, но и парламентарните корелации онака како што се формирани во овој момент покажуваат дека Договорот од Преспа ќе се ратификува со над 151 гласа... Читать дальше...

Министерството за здравство прогласи епидемија на морбили или мали сипаници на територија на градот Скопје поради 12 нови случаи. „Прогласена е епидемија на мали сипаници во Скопје и принудени сме од утре да донесеме привремена мерка – забрана за носење на деца кои не се вакцинирани со МРП вакцина во градинките“, изјави министерот за здравство Венко Филипче. Шест од новите случаи се потврдени со соодветни анализи, а за останатите 6 анализите се очекуваат утре. Од новите случаи повеќето се деца... Читать дальше...

Поранешниот премиер Никола Груевски територијата на Република Македонија ја нема напуштено на кој било граничен премин. Сослушани се и сведоци, но за да не наштетам на предистражната постапка други детали не можам да откривам, вели во интервјуто за МИА, државниот јавен обвинител Љубомир Јовески. „Обвинителството презема повеќе дејствија за обезбедување докази, како што веќе соопштивме. Побарани се докази по меѓународна правна помош од надлежните органи на Република Албанија и Република Црна Гора. Читать дальше...

Неколку милиони жени формираа над 600 километри долг човечки синџир во јужната индиска држава Керала во знак на поддршка за еднаквост меѓу половите и како одговор на протестот на хинду свештениците и конзервативците кои им забрануваат на девојчињата и на жените од 10 до 50 години да влезат во еден од најголемите хиндуистички храмови во светот. Комунистичката партија на Индија, која е владејачка партија во Керала, соопшти дека на вчерашниот протест учествувале 5,5 милиони жени. Протестот го организира локалната влада... Читать дальше...

Со кука и импровизирано јаже, двајца затвореници вчера побегнале од атинскиот затвор „Коридалос“. Претходно ги пресекле решетките од ќелијата, стигнале до мал надворешен дел од затворот каде што немало чувари и со помош на кука и импровизирано јаже го прерипнале надворешниот ѕид во висина од околу шест метри и излегле од затворот, јави дописничката на МИА од Атина. Според грчките медиуми, станува збор за двајца браќа Албанци, осудени за кражби, а бегството, кое е регистрирано и на безбедносните камери... Читать дальше...

Еден Британец на лотарија освои џекпот од 115 милиони фунти, пренесува денеска Би би си. На националната лотарија во Велика Британија, човекот освоил точно 114.969.775,70 фунти. Извлекувањето на добитниците на лотаријата „Евромилиони“ беше организирано вчера, на првиот ден од 2019 година. Националната лотарија соопшти дека ова е четврта по големина освоена сума во историјата на Велика Британија. Лотаријата Евромилиони се игра во девет земји – Велика Британија, Австрија, Белгија, Франција, Ирска... Читать дальше...

Шест луѓе денеска загинаа во железничка несреќа во Данска, соопштија данските железници. Медиумите претходно објавија дека, поради силниот ветар, покривот на композиција на товарен воз се откорнал и удрил во патнички воз кој наишол од спротивен правец патувајќи кон Копенхаген. До инцидентот дошло на мост меѓу централните острови Шеланд и Фин. Поради невремето, на спасувачките служби им е отежнато да стигнат со местото на несреќата. Мостот, долг 18 километри, е затворен и за возови и за автомобили кон островот Фин... Читать дальше...

Договорот меѓу Македонија и Грција за решавање на спорот за името, како и со Бугарија за добрососедство предвидува и формирање Заеднички комитет на експерти. Намерата е да се изработат модерни учебници од кои ќе се отстранат сите работи кои предизвикуваат иредентизам. Дали е ова остварливо?

Сомалиската влада му нареди на пратеникот на ОН да ја напушти земјата, обвинувајќи го за „намерно вмешување“ во внатрешните работи на Сомалија. Владата ја донесе оваа одлука само неколку дена откако претставникот на ОН, Николас Хејсом, изрази загриженост поради акциите на сомалиските служби за безбедност во неодамнешните насилства во кои имаше повеќе загинати. „Специјалниот претставник на генералниот секретар на ОН за Сомалија, Николас Хејсом, повеќе не е добредојден и веќе не може да работи во Сомалија“... Читать дальше...

Европските институции упатија ново предупредување до балканските земји за ризиците од изградба на хидроцентрали во заштитени подрачја, какви што се националните паркови. Владата оваа година продолжи четири концесии во Маврово, што според активисти е направено со искористување на правни празнини.

Американскиот претседател Доналд Трамп за денеска ги покани во Белата куќа лидерите на двата дома на Конгресот на брифинг за безбедноста на границата по ќорсокакот околу буџетот кој доведе до делумно затворање на американската влада. Тие, како што е соопштено, треба да бидат запознаени од Министерството за внатрешни работни за ситуацијата на границата со Мексико. Се уште не е јасно дали ќе дојде и до преговори меѓу конгресмените и администрацијата за завршување на делумната блокада на владата. Трамп... Читать дальше...

Аналитичарите се скептични околу најавите за економски бум. Владата ветува дека годинава земјава економски ќе процвета, додека, пак, дел од економистите очекуваат просечна економска година, ослободена од политички канџи.

Новоизбраниот претседател на Бразил Жаир Болсонаро стапи на функцијата со полагање заклетва во Бразилија во присуство на претставници од многу земји. 63 годишниот Болсонаро, поранешен капетан, го мина патот од маргинален и исмејуван конгресмен до лидер од кој повеќето Бразилци очекуваат да ги сузбие корупцијата и насилството. Болсонаро кој е симпатизер на американскиот претседател Доналд Трамп стана претседател по победата во вториот изборен круг над Фернандо Хадад чија Работничка партија победуваше во претходните четири изборни циклуси.

Полициската управа на Бања Лука му упати на Окружното јавно обвинителство кривични пријави против Давор Драгичевиќ и уште три лица поради сомневање дека извршиле кривично дело „загрозување на безбедноста“. Драгичевиќ е под сомнение дека на 27 и 30 декември во текот на протестите „Правда за Давид“ во Бања Лука јавно упатил сериозни закани против две лица кај кои предизвикал чувство на страв и загрозеност. Полицијата се уште е во потрага по Давор Драгичевиќ, татко на убиеното момче Давид. Тој последен... Читать дальше...

Романија ја презеде ротирачката улога на претседавач на Европската унија во услови на длабоки политички поделби дома околу спорната реформа на судството, но и со негативни критики од блокот со кој ќе претседава во наредните шест месеци.

Американските власти фрлиле солзавец на територијата на Мексико за да ги растераат мигрантите кои се обиделе да ја пробијат граничната ограда кај мексиканскиот град Тихуана. Мигрантите изјавија дека до границата пристигнале во минатиот месец во караван од Хондурас. Американската агенција за заштита на границата соопшти дека цел на солзавецот биле оние што од мексиканска страна фрлале камења.

Кинескиот претседател Си Џинпинг изјави дека Пекинг ќе ги искористи сите средства против секоја сила која се противи на обединувањето на Кина со Тајван кое, како што рече, најверојатно и ќе се случи. Претходно претседателот на Тајван Цаи Инг Вен изјави дека кинеското мешање во политичкиот и социјалниот развој на Тајван претставува „најголем предизвик во моментов“. Кинеските националистички сили предводени од Чанг Каи Шек во 1949 година пребегаа на Тајван откако ја загубија граѓанската војна против комунистите.

Во Македонија ќе биде сончево со мала, а во западните делови со умерена облачност. Ќе дува умерен, на места засилен ветер од северен правец. Попладне облачноста ќе се зголеми и почнувајќи од запад ќе има врнежи од снег, кои во текот на ноќта ќе се прошират насекаде низ земјава. Ќе дува умерен северен ветер. Утринската температура ќе се движи од минус осум до минус еден, а дневната од еден до девет степени. Во Скопје и околината слично време со утринска температура околу минус пет, а дневната ќе достигне до шест степени.