Новости за 08.05.2017

Претседателот на Русија Владимир Путин им ја честиташе на лидерите на повеќе земји 72-годишнината од Победата во Големата Татковинска војна, се вели на сајтот на Кремљ.

Шефот на руската дипломатија Сергеј Лавров согласно претходно постигнатиот договор ќе престојува во работна посета на САД од 9-11 мај, соопштува МНР на РФ, пренесува „Интерфакс“.

Снимките првпат беа објавени на сајтот на порталот во неделата вечерта, иако се со датум од 3 мај, пренесува „Взгљад“, повикувајќи се на порталот „Дифенс Њуз“.

Министерот за надворешни работи на Сирија Валид Муалем исклучува учество на воени сили под закрила на ООН во имплементацијата на меморандумот за зоните на деескалација во земјата.

Московски „Спартак“ е победник во руската фудбалска премиер лига за сезоната 2016/17, соопштува „Лента.ру“.

Многумина лидери и политичари од западните земји веќе успеаја да му ја честитаат на Емануел Макрон победата на изборите за претседател на Франција. Меѓу оние кои се израдуваа на неговата победа се претседателот на Европската комисија Жан-Клод Јуннкер, политичарите од Германија, шефовите на Австрија, Италија, Шпанија, Велика Британија, Грција, па дури и на Украина, пренесува RT повикувајќи се на Le Nouvel Observateur.

Николај Кузнецов знаел 6 дијалекти на германскиот јазик, но откако ќе го чуел говорот на соговорникот, со кој се покажувало неговото потекло, тој секогаш преминувал на друг. Се плашел дека може да го сметаат за земјак. За тоа има едноставно објаснување: претставувајќи се како етнички Германец разузнавачот ниту еднаш не бил во Германија и лесно можел да се „издаде“ со некоја ситница, позната на секој жител на одредена месност.

Претседателот на Русија Владимир Путин во пресрет на празнувањето на Денот на Победата замина во московсиот реон Жулебино, каде живее неговиот поранешен началник во КГБ на СССР при Министерството за државна безбедност на поранешна Демократска Република Германија Лазар Матвеев. Повод за посетата беше и 90 роденден на неговиот шеф на управата за разузнавање. Под раководство на Матвеев рускиот лидер работеше во втората половина на 1980-те во Дрезден.

„Кај нас предизвикува голема загриженост тоа што се случува со имплементацијата на „Минската спогодба“, пред сѐ, како резултат на саботажата од страна на киевските власти. Има мноштво примери за тоа. Тоа се однесува на... целосното саботирање на политичкиот процес и организирањето на редовна база на вооружени провокации на линијата на разграничување, за да се има изговор за неисполнување на политичкиот дел од пакетот-мерки усвоен во Минск“, изјави Лавров.

„Русија исклучително внимателно ги следи случувањата во Северна Кореја“, изјави претседателот на комисијата за одбрана во Советот на федерацијата Виктор Озеров, додавајќи дека според владата територијата на Русија не е цел на стрелби на проектили од страна севернокорејскиот сосед.

„Граѓаните на Франција Ви доверија да бидете на чело на земјата во тежок за Европа и за целата меѓународна заедница период. (...) Во такви услови особено важно е да се надмине заемната недоверба и да се обединат напорите за обезбедување на меѓународната стабилност и безбедност“, се вели во честитката на претседателот на Русија до Макрон, чиј текст е објавен на сајтот на Кремљ.

Русија поднесе во Советот за безбедност на ООН предлог-резолуција за поддршка на меморандумот за создавање зони на деескалација во Сирија, кој претходно беше потпишан во Астана на 4 мај. Ова го соопшти за ТАСС постојаното претставништво на Русија во ООН.