Новости за 30.10.2016

Холивудските актери Арнолд Шварценегер и Џеки Чен ќе играат во продолжението на филмот на Олег Степченко „Виј“ со наслов „Патување во Кина: Тајната на железната маска“, пишува „Газета.ру“ повикувајќи се на прес-службата на продуцентот на филмот Глеб Фетисов.

Прва годишнина од падот на рускиот авион А321 во Египет.

Луѓе со свеќи и знамето на РФ на „Плоштадот на мирот“ во текот на церемонијата на одбележување на првата годишнина од падот на рускиот авион А321 во одморалиштето Шарм ел Шеик на Црвеното море , Египет. 30 октомври 2016.

Политичкиот аналитичар на „Национален Интерес“ смета дека Вашингтон мора пред сѐ да се откаже од идејата за насилна промена на режимот во Сирија. Во текот на граѓанската војна во Сирија, американската влада инсистираше на тоа дека услов за преговори е заминувањето на Башар Асад. Овој став се базира на неоконзервативната теорија според која САД имаат мисија да ги соборат сите режими кои стојат на патот на демократијата и врз претпоставката дека во секој случај владеењето на Асад не трае долго, вели Ециони. Читать дальше...

Членките на НАТО сакаат да распоредат во непосредна близина на руските граници 4000 војници на кои, доколку е потребно, ќе им се приклучат силите за брза реакција од 40000 војници, пишува авторот на статијата.

На групата бродови на руската воена морнарица во Средоземното Море, предводена од носачот на авиони „Адмирал Кузнецов“, `и се приклучиле три подморници опремени со крстосувачки ракети, објавија британските медиуми, повикувајќи се на извори во Кралската морнарица на Велика Британија.

Авионите на ВКС Русија и ВВС Сирија веќе 13 дена не летаат над сирискиот град Алепо. Ова го соопшти во неделата портпаролот на руското Министерството за одбрана генерал-мајор Игор Конашенков.

На Земјата се вратија учесниците во 48 и 49 експедиција на Меѓународната вселенска станица – рускиот космонаут Анатолиј Иванишин, американскиот  астронаут Кејтлин Рубинс и јапонскиот Такуја Ониши, кои изведоа на станицата 40 експерименти, од кои повеќето се однесуваа на истражувањето на влијанието на вселената врз живите организми.

Широкоопсежен радар, способен да идентификува воздушни и морски цели оддалечени стотици километри, ќе почне да работи на архипелагот Нова Земја на рускиот Арктик во 2017 година, пренесува нашето матично издание „Росијскаја азета“ повикувајќи се на прес-службата на Министерството за одбрана на Русија.