Војската на САД сака да купи живо ткиво на Руси

„Сите примероци на свежо замрзната синовијална мембрана на здрав човек и рибонуклеинска киселина на здрав човек мораат да бидат од руско/европеидно потекло“, се вели во тендерот, пренесува RT.

Меѓу условите на договорот е и потсетување дека донаторите на синовијална мембрана не смеаат да имаат повреди на мускулно-коскениот состав, да боледуваат од ХИВ, хепатитис-Б или Ц или сифилис. При доставувањето на примероците е неопходно да се наведе полот, возраста, етничката припадност, да се наведе дали станува збор за пушач, да се приложи медицинска историја, висина, тежина и други податоци.

Во тендерот не е прецизирано зошто командата за обука на американската воена авијација има потреба од биоматеријал од Руси.